الشرح

ព្យាការី ﷺ បានបង្ហាញថា មូស្លីមគ្រប់រូបត្រូវធ្វើទានជារៀងរាល់ថ្ងៃ សម្រាប់សន្លាក់ឆ្អឹងនីមួយៗនៃរាងកាយរបស់គាត់ ជាការអរគុណចំពោះអល់ឡោះសម្រាប់សុខភាពល្អ និងសម្រាប់ការដែលទ្រង់បានបង្កើតឆ្អឹងជាមួយសន្លាក់ដែលអាចត្រូវបានប្រើប្រាស់សម្រាប់ចលនា។ ទានទាំងនេះអាចត្រូវបានបំពេញតាមរយៈសកម្មភាពល្អទាំងអស់ ហើយមិនតម្រូវឱ្យមានការផ្តល់ប្រាក់កាសនោះទេ។ ក្នុងចំណោមទាំងនេះមាន៖ - ការធ្វើយុត្តិធម៌និងការផ្សះផ្សារវិវាទរវាងមនុស្សគឺជាទាន - ការជួយអ្នកដែលត្រូវការជំនួយជាមួយសត្វចិញ្ចឹមរបស់គាត់ ដោយជួយគាត់ឡើងជិះ ឬលើកអីវ៉ាន់របស់គាត់គឺជាទាន - ពាក្យសម្តីល្អៗ រួមទាំងការរឭកចំពោះអល់ឡោះជាម្ចាស់ ការបួងសួង និងការឲ្យសាឡាមគឺជាទាន - ជំហាននីមួយៗឆ្ពោះទៅកាន់ការថ្វាយបង្គំគឺជាទាន - ការដកចេញនូវអ្វីដែលបង្កគ្រោះថ្នាក់ពីផ្លូវគឺជាទាន