إعدادات العرض
((نڤێژا زهلامی ب جهماعهت؛ ب بیست و چهند پلهیان زێدهتره ژ نڤێژا وی د مالا ویدا یان د بازاڕێ ویدا
((نڤێژا زهلامی ب جهماعهت؛ ب بیست و چهند پلهیان زێدهتره ژ نڤێژا وی د مالا ویدا یان د بازاڕێ ویدا
ئهبو هورهیره (خودێ ژێ ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت: ((نڤێژا زهلامی ب جهماعهت؛ ب بیست و چهند پلهیان زێدهتره ژ نڤێژا وی د مالا ویدا یان د بازاڕێ ویدا، ئهڤه ژی چونكی دهمێ ئێك ژ وان دهستنڤێژهكا جوان و تازه دگریت، پاشی دهێته مزگهفتێ و چ تشت وی نائینیته مزگهفتێ ژ بلی نڤێژێ و چ مهرهمێن دی نینن ژ بلی نڤێژێ؛ هنگی ههر پێنگاڤهكا ئهو دهاڤێژیت، پلهیهك بۆ دهێته بلندكرن و گونهههك بۆ دهێته ژێبرن، ههتا دچیته د ناڤ مزگهفتێڤه، ڤێجا دهمێ چوو د ناڤ مزگهفتێڤه، ئهو ههر یێ د نڤێژێدا هندی نڤێژ وی ل وێرێ ڕاگریت و نههێلیت دهركهڤیت، مهلائیكهت ژی دوعایان بۆ ئێك ژ ههوه دكهن هندی ئهو ل وی جهێ نڤێژ لێ كری یێ ڕوینشتی بیت، دبێژن: خودایێ من؛ دلۆڤانییێ پێببه، خودایێ من؛ گونههێن وی ژێببه، خودایێ من؛ تهوبهیا وی قهبویل بكه، هندی ئهو كهسێ ل وێرێ نهخۆشییێ بۆ كهسێ دروست نهكهت و دهستنڤێژا وی نهشكهستبیت)).
الترجمة
العربية বাংলা Bosanski English Español فارسی Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Português සිංහල Svenska ગુજરાતી Yorùbá Tiếng Việt Kiswahili پښتو অসমীয়া دری Кыргызча or नेपाली Čeština Română Nederlands తెలుగు മലയാളം Српски Kinyarwanda ಕನ್ನಡ Lietuvių Shqip Wolof Українська ქართული Moore Magyar Македонски Azərbaycan Malagasy Oromoo ไทย Deutsch मराठी ਪੰਜਾਬੀ አማርኛ O‘zbek Italiano ភាសាខ្មែរ မြန်မာالشرح
پێغهمبهر (صهلات و سهلامێن خودێ ل سهر بن) مه ئاگههدار دكهت كو ئهگهر موسلمان نڤێژێ ب جهماعهت بكهت، خێرا وێ نڤێژێ ب بیست و چهند جاران پتره ژ نڤێژا وی یا كو ل مال یان ل بازاڕی دكهت. پاشی ئهگهرێ ڤێ چهندێ دیار كر: ئهو ژی ئهڤهیه دهمێ زهلام ب جوانی دهستنڤێژێ دگریت و پاشی بهرهڤ مزگهفتێ دچیت و چ مهرهمێن دی نینن ژ بلی نڤێژێ؛ هنگی ههر پێنگاڤهكا دهاڤێژیت پلهیهكا وی پێ بلند دبیت و گونهههك بۆ دهێته ژێبرن، ڤێجا دهمێ دچیته د ناڤ مزگهفتێڤه و ل هیڤییا نڤێژێ دمینیت؛ خێرا نڤێژێ بۆ دهێته نڤیسین هندی ئهو ل هیڤییا نڤێژێ بیت، و مهلائیكهت دوعایان بۆ دكهن هندی ئهو ل وی جهی یێ ڕوینشتی بیت یێ نڤێژ لێ كری، ئهو دبێژن: "خودایێ من؛ دلۆڤانییێ پێببه، خودایێ من؛ گونههێن وی ژێببه، خودایێ من؛ تهوبهیا وی قهبویل بكه"، هندی ئهو كهسێ ل وێرێ دهستنڤێژا وی نهشكهستبیت و هندی ژ بهر وی نهخۆشی بۆ چ مرۆڤان یان مهلائیكهتان دروست نهبیت.فوائد الحديث
نڤێژا مرۆڤی ب تنێ ل مال یان ل بازاڕی یا دروسته، بهلێ مرۆڤ گونههكار دبیت ئهگهر بێی ئهگهرهكێ شهرعی نهچیته نڤێژا ب جهماعهت.
نڤێژا ب جهماعهت ل مزگهفتێ ب بیست و پێنج یان بیست و شهش یان بیست و حهفت پلهیان باشتر و بخێرتره ژ نڤێژا ب تنێ.
ئێك ژ ئهركێن مهلائیكهتان دوعاكرنه بۆ باوهرداران.
قهدر و بها و خێرا چوونا بۆ مزگهفتێ ب دهستنڤێژ.