,Намазот и оние што се под ваша одговорност!‘

,Намазот и оние што се под ваша одговорност!‘

Енес, Аллах нека е задоволен со него, раскажува: „Најчестата и последна препорака (завет) на Аллаховиот пратеник, салаллаху алејхи ве селем, додека беше на смртна постела, беше: ,Намазот и оние што се под ваша одговорност!‘ Постојано повторуваше: ,Намазот и оние што се под ваша одговорност!‘ Толку често го повторуваше тоа, што зборовите му излегуваа со тешкотија од градите, а јазикот одвај ги изговараше.“

[صحيح]

الشرح

Најчестата препорака на Аллаховиот пратеник, салаллаху алејхи ве селем, до неговиот умет во последните моменти од неговиот живот – додека лежеше на смртната постела – беше: „Придржувајте се кон намазот, чувајте го и не бидете немарни кон него!“ Исто така, ги советуваше муслиманите да ги исполнуваат правата на оние што се под нивна одговорност – робови и робинки – и да постапуваат со нив на праведен и добар начин. Тој тоа постојано го повторуваше, сè додека гласот не почна да му се гуши во грлото, а јазикот одвај ги изговараше зборовите.

فوائد الحديث

Хадисот укажува на величината на намазот и грижата за оние што се под нечие старателство и тоа се огледа во тоа што Аллаховиот пратеник, салаллаху алејхи ве селем, токму за нив даде препорака во последните моменти од животот.

Намазот е едно од најголемите права што Аллах ги има над Своите робови, а исполнувањето на правата на луѓето – особено на слабите и потчинетите, со исклучок на сопствените деца – спаѓа меѓу највисоките должности што човекот ги има кон созданијата.

التصنيفات

Смртта на Божјиот Пратеник, Божјиот мир и благослов нека се со него, Обавезнота на намазот и прописот за оној кој го остава