إعدادات العرض
ဧကန်အမှန်ပင်(ဒုအာ) ဆုတောင်းခြင်းသည် အိဗာဒသ် ခဝပ်ကိုးကွယ်မှုပင်ဖြစ်သည်။
ဧကန်အမှန်ပင်(ဒုအာ) ဆုတောင်းခြင်းသည် အိဗာဒသ် ခဝပ်ကိုးကွယ်မှုပင်ဖြစ်သည်။
အန်နုအ်မာန်ဗင်န် ဗရှီးရ်(ရဿွိယလ္လာဟုအန်ဟု)က ဆင့်ပြန်ခဲ့သည်။ ကျွန်တော်သည် တမန်တော်မြတ် (ဆွလ္လလ္လာဟုအလိုင်းဟိဝစ္စလမ်) မိန့်ကြားတော်မူသည်ကို ကြားသိခဲ့သည်။ ဧကန်အမှန်ပင်(ဒုအာ) ဆုတောင်းခြင်းသည် အိဗာဒသ် ခဝပ်ကိုးကွယ်မှုပင်ဖြစ်သည်။ ထို့နောက် ကိုယ်တော်သည် ဤအာယသ်တော်ကို ရွတ်ဖတ်တော်မူသည်။ “ထို့ပြင် အသင်တို့အား ဖန်ဆင်းမွေးမြူတော်မူသော အရှင်မြတ်သည် (ဤသို့)မိန့်ကြားတော်မူခဲ့၏။ အသင်တို့သည် ငါအရှင်မြတ်ထံတော်တွင် ဆုတောင်း ပတ္ထနာပြုကြလေကုန်။ ငါအရှင်မြတ်သည် အသင်တို့၏ ဆုတောင်းပတ္ထနာပြုချက်ကို လက်ခံတော်မူမည်။ ဧကန်စင်စစ် ငါအရှင်မြတ်အား ဆည်းကပ်ကိုးကွယ်ခြင်းမှ မောက်မာကြကုန်သောသူတို့မှာမူကား မကြာမြင့်မီပင် ဂုဏ်အသရေယုတ်ညံ့စွာနှင့် ‘ဂျဟန္နမ်’ငရဲဘုံသို့ ဝင်ရောက်ကြကုန်အံ့သတည်း။” ကုရ်အာန် (၄၀:၆၀)
الترجمة
العربية తెలుగు हिन्दी Kurdî English Kiswahili Français فارسی தமிழ் සිංහල Русский ไทย Deutsch 日本語 پښتو Tiếng Việt অসমীয়া Shqip Svenska Čeština ગુજરાતી Yorùbá Nederlands اردو Bahasa Indonesia ئۇيغۇرچە বাংলা Bosanski Hausa മലയാളം دری Fulfulde Magyar ಕನ್ನಡ Кыргызча Lietuvių or Română Kinyarwanda Српски O‘zbek Moore नेपाली Wolof Български Українська Português Tagalog Azərbaycan ქართული тоҷикӣ Македонски Bambara 中文 Ελληνικά ភាសាខ្មែរ አማርኛ Malagasy Oromoo मराठी ਪੰਜਾਬੀ Türkçe Lingala Italiano Españolالشرح
ဒုအာဆုတောင်းခြင်းသည် အိဗာဒသ် ခဝပ်ကိုးကွယ်မှုဖြစ်ကြောင်း တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)က မိန့်ကြားတော်မူခဲ့သည်။ ထို့ကြောင့် ဒုအာတောင်းခံမှုအားလုံးသည် အလ္လာဟ်အရှင်မြတ်အတွက်သာ ဖြစ်ရမည်။ သို့ဖြစ်၍ ‘ဒုအာအု မတ်စ်အလဟ်’ လောကီ၊ လောကုတ္တရာနှစ်ဌာနစလုံး၌ မိမိအတွက် ကောင်းကျိုးများရရှိရန်နှင့် ဆိုးကျိုးများဖယ်ရှားပေးရန်အတွက် တောင်းခံသည်ဖြစ်စေ၊ ‘ဒုအာအု အိဗာဒဟ်’ အလ္လာဟ်အရှင်မြတ် နှစ်သက်၊သဘောတူသည့် ပြောစကားတိုင်း၊ အတွင်းပိုင်းဆိုင်ရာ အပြင်ပိုင်းဆိုင်ရာ အမလ်ကျင့်ဆောင်မှုအားလုံး၊ စိတ်နှလုံးသားဖြင့်ဖြစ်စေ၊ ခန္ဓာကိုယ်ဖြင့်ဖြစ်စေ၊ ဥစ္စာပစ္စည်းဖြင့်ဖြစ်စေဆောင်ရွက်ရသော ခဝပ်ကိုးကွယ်မှုအားလုံးကို အလ္လာဟ်အရှင်မြတ်အတွက်သာ ပြုလုပ်ရမည်။ ၎င်းနောက် တမန်တော်မြတ် (ဆွလ္လလ္လာဟု အလိုင်းဟိဝစ္စလမ်)က အထောက်အထားအနေဖြင့် အာယသ်တော်အား ရွတ်ဖတ်တော်မူခဲ့သည်။ “ထို့ပြင် အသင်တို့အား ဖန်ဆင်းမွေးမြူတော်မူသော အရှင်မြတ်သည် (ဤသို့)မိန့်ကြားတော်မူခဲ့၏။ အသင်တို့သည် ငါအရှင်မြတ်ထံတော်တွင် ဆုတောင်း ပတ္ထနာပြုကြလေကုန်။ ငါအရှင်မြတ်သည် အသင်တို့၏ ဆုတောင်းပတ္ထနာပြုချက်ကို လက်ခံတော်မူမည်။ ဧကန်စင်စစ် ငါအရှင်မြတ်အား ဆည်းကပ်ကိုးကွယ်ခြင်းမှ မောက်မာကြကုန်သောသူတို့မှာမူကား မကြာမြင့်မီပင် ဂုဏ်အသရေယုတ်ညံ့စွာနှင့် ‘ဂျဟန္နမ်’ငရဲဘုံသို့ ဝင်ရောက်ကြကုန်အံ့သတည်း။”فوائد الحديث
ဒုအာ ဆုတောင်းခြင်းသည် အိဗာဒသ် ခဝပ်ကိုးကွယ်မှု၏ အခြေခံအုတ်မြစ်ဖြစ်သောကြောင့် အလ္လာဟ်အရှင်မြတ်မှအပ အခြားမည်သူ့ထံတွင်မျှ ဒုအာတောင်းခံခွင့်မရှိပါ။
ဒုအာဆုတောင်းခြင်း၌ ကျွန်ပီသခြင်း၊ အလ္လာဟ်အရှင်မြတ်၏ ပြည့်စုံကြွယ်ဝမှုနှင့် အရှင်မြတ်၏ စွမ်းဆောင်နိုင်မှုတို့ကို ဝန်ခံခြင်း၊ ကျေးကျွန်သည် အရှင်မြတ်ကို အမြဲလိုအပ်လျက်ရှိကြောင်းဖော်ပြခြင်းတို့ ပါဝင်သည်။
အလ္လာဟ်အရှင်မြတ်အား ခဝပ်ကိုးကွယ်ခြင်း၊ အရှင်မြတ်ထံ ဒုအာဆုတောင်းခြင်းတို့မပြုဘဲ မာနထာင်လွှားသူများကို ပြင်ပြင်းထန်ထန် သတိပေးခြိမ်းခြောက်ထားသည်။ အလ္လာဟ်အရှင်မြတ်ထံ ဒုအာဆုတောင်းခြင်းမှ မာနထာင်လွှားသူများသည် သေးသိမ်သောသူများအဖြစ်နှင့် ဂျဟန္နမ်ငရဲသို့ မကြာမီ ဝင်ရောက်ကြရမည်။
التصنيفات
ဆုတောင်းခြင်း၏ ထွတ်မြတ်မှု။