إعدادات العرض
Nzi ijambo rimwe aramutse arivuze, biriya byamubayeho byarangira, aramutse avuze ati: Nikinze kuri Allah ngo andinde Shitani, biriya byose byamubayeho byahita bishira
Nzi ijambo rimwe aramutse arivuze, biriya byamubayeho byarangira, aramutse avuze ati: Nikinze kuri Allah ngo andinde Shitani, biriya byose byamubayeho byahita bishira
Hadith yaturutse kwa Sulayman Ibun Swuradi (Imana imwishimire) yaravuze ati: Nari nicaye hamwe n'Intumwa y'Imana (Imana iyihe amahoro n'imigisha), hari abagabo babiri bari gutukana, umwe uburanga bwe bwatukuye, imitsi yareze, nuko Intumwa y'Imana (Imana iyihe amahoro n'imigisha) iravuga iti: Nzi ijambo rimwe aramutse arivuze, biriya byamubayeho byarangira, aramutse avuze ati: Nikinze kuri Allah ngo andinde Shitani, biriya byose byamubayeho byahita bishira." nuko baramubwira bati: Intumwa y'Imana (Imana iyihe amahoro n'imigisha) yavuze iti: "Ikinge kuri Allah ngo akurinde Shitani," nuko arababaza ati: Ese nasaze?
الترجمة
العربية বাংলা Bosanski English Español فارسی Français Bahasa Indonesia Türkçe اردو 中文 हिन्दी Tagalog Kurdî Kiswahili Português සිංහල Русский Nederlands Tiếng Việt অসমীয়া ગુજરાતી پښتو Hausa മലയാളം नेपाली ქართული Magyar తెలుగు Македонски Svenska ಕನ್ನಡ Moore Română Українська ไทย मराठी ਪੰਜਾਬੀ دری አማርኛ Wolof ភាសាខ្មែរ Malagasy Yorùbá Српски Lietuviųالشرح
Abagabo babiri baratukanye imbere y'Intumwa y'Imana (Imana iyihe amahoro n'imigisha), kugeza ubwo umwe muri bo atukuye uburanga, ndetse n'imitsi ikikije ijosi rye irarega Nuko Intumwa y'Imana (Imana iyihe amahoro n'imigisha) iravuga iti: Njye nzi ijambo yavuga buriya burakari bwose bukarangira, aramutse avuze ati: Nikinze kuri Allah ngo andinde Shitani wavumwe. Nuko baramubwira bati: Intumwa y'Imana (Imana iyihe amahoro n'imigisha) yavuze iti: Ikinge kuri Allah akurinde Shitani. Nuko aravuga ati: Ese ndi umusazi?! Acyeka ko nta wundi wikinga kuri Allah ngo amurinde Shitani usibye umusazi.فوائد الحديث
Intumwa y'Imana (Imana iyihe amahoro n'imigisha) yashishikariraga kugira inama abantu no kubayobora mu byiza igihe hagaragaye impamvu yabyo.
Uburakari bukomoka kuri Shitani.
Itegeko ryo kwikinga kuri Allah ngo akurinde Shitani wavumwe igihe ugize uburakari. Allah Nyir'ubutagatifu yaravuze ati: (Kandi Shitani nakoshya gukora ikibi, ujye wiragiza Allah...) Surat Al Araf: 200.
Kwihanangiriza gutukana n'ibimeze nkabyo nko gusabirana imivumo, no kubuza abantu kurangwa nabyo kubera ko biganisha mu bikorwa bibi mu bantu.
Kugira inama abandi cyane cyane utayumvise, kugira ngo ibe yamugirira umumaro.
Intumwa y'Imana (Imana iyihe amahoro n'imigisha) yihanangirije kurangwa n'uburakari, kuko buganisha mu bibi no guhubuka; n'Intumwa y'Imana (Imana iyihe amahoro n'imigisha) ntiyajyaga irangwa no kurakara usibye igihe habayeho kurengera amategeko ya Allah; ubu burakari bukaba bwemewe.
Umumenyi A-Nawawiy kuri iyi mvugo igira iti: "Ese urabona nasaze?" birashoboka ko uwavuze iyi mvugo yari umwe mu ndyarya, cyangwa se umwarabu wo mu cyaro.