إعدادات العرض
Uzanezezwa n'uko Allah azamukiza ingorane ku munsi w'imperuka azorohereze umufitiye umwenda cyangwa se anawumubabarire
Uzanezezwa n'uko Allah azamukiza ingorane ku munsi w'imperuka azorohereze umufitiye umwenda cyangwa se anawumubabarire
Hadith yaturutse kwa Abu Qatadat (Imana imwishimire) yavuze ko yashatse umufitiye umwenda aramwihisha nyuma aza kumubona maze aramubwira ati: Sinshoboye kukwishyura, nuko Abu Qatadat aramubwira ati: Wabirahirira ku izina rya Allah? Nuko arabirahirira ku izina rya Allah, maze Abu Qatadat aravuga ati: Numvise Intumwa y'Imana (Imana iyihe amahoro n'imigisha) ivuga iti: "Uzanezezwa n'uko Allah azamukiza ingorane ku munsi w'imperuka azorohereze umufitiye umwenda cyangwa se anawumubabarire."
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी ئۇيغۇرچە Hausa Kurdî Kiswahili Português සිංහල Nederlands Tiếng Việt অসমীয়া ગુજરાતી پښتو മലയാളം नेपाली Magyar ქართული తెలుగు Македонски Svenska Moore Română Українська ไทย मराठी ਪੰਜਾਬੀ دری አማርኛ Wolof ភាសាខ្មែរ ಕನ್ನಡ Српски Yorùbá Malagasyالشرح
Abu Qatadat Al Answariy (Imana imwishimire) yigeze gushakisha uwari umufitiye umwenda aramwihisha, nyuma aza kumubona, maze uwo wari umufitiye umwenda aramubwira ati: Ndakomerewe nta mutungo mfite ngo nkwishyure ideni ryawe. Nuko Abu Qatadat (Imana imwishimire) aramurahiza ngo ahamye ko nta mutungo afite, Nuko amurahirira ku izina rya Allah ko ari kuvuga ukuri. Maze Abu Qatadat (Imana imwishimire) avuga ko yumvise Intumwa y'Imana (Imana iyihe amahoro n'imigisha) ivuga iti: Uzanezezwa n'uko Allah azamurokora ingorane n'ibizazane byo ku munsi w'imperuka, azorohereze ukomerewe no kwishyura, amwongerere igihe cyo kumwishyura, cyangwa se anamubabarire uwo mwenda amufitiye.فوائد الحديث
Gushishikariza kwihanganira umuntu ugufitiye ideni wagowe no kuryishyura kugeza abonye ubushobozi, cyangwa se ukanarimurekera, byaba igice muri ryo cyangwa se ryose.
Uzorohereza umwemeramana mu ngorane arimo za hano mu isi, Allah nawe azamworohereza ingorane zo ku munsi w'imperuka, kandi ineza yiturwa indi.
Itegeko rishingirwaho nuko ibikorwa by'itegeko ari byo byiza kuruta iby'imigereka, ariko rimwe na rimwe hari ubwo igikorwa cy'umugereka aricyo cyiza kuruta icy'itegeko. Gukuriraho umuntu ideni no kurimubabarira ni igikorwa cyiza kitari itegeko, no kwihanganira umuntu urigufitiye ukamutegereza ni itegeko, hano igikorwa cy'umugereka nicyo cyiza kuruta icy'itegeko.
Iyi Hadith iravuga ku bijyanye n'uburenganzira bw'uwagowe no kwishyura, uwo impamvu ze zirakirwa; naho uwanga kwishyura kandi afite ubushobozi, uwo Intumwa y'Imana (Imana iyihe amahoro n'imigisha) aho yagize iti: "Gusiragiza umuntu gukozwe n'umuntu ufite ubushobozi ni amahugu!"
التصنيفات
Inguzanyo.