الشرح

ហ៊ូហ្សៃហ្វះ ពិន អាល់យ៉ាម៉ាន رضي الله عنهما បានប្រាប់ថា ពេលមួយដែលគាត់នៅជាមួយនឹងណាពី ﷺ ពេលនោះ ណាពី ﷺ លោកចង់បត់ជើងតូច។ ដូចនេះ លោកក៏បានចូលទៅកាន់គំនរសំរាមរបស់ក្រុមមួយដែលជាកន្លែងដែលគេចោលសំរាម និងដីដែលបានបោសសម្អាតពីផ្ទះ ហើយលោកក៏បានបត់ជើងតូចដោយឈរ ខណៈដែលទម្លាប់ធម្មតារបស់លោក គឺលោកតែងបត់ជើងតូចដោយអង្គុយ។ នៅពេលនោះ ហ៊ូហ្សៃហ្វះបានថយចេញឆ្ងាយពីលោក ប៉ុន្តែណាពី ﷺ លោកបានមានប្រសាសន៍ទៅកាន់គាត់ថា៖ ខិតមកជិតមក។ ដូចនេះ ហ៊ូហ្សៃហ្វះក៏ចូលទៅជិតលោក រហូតដល់គាត់បានឈរនៅពីក្រោយលោកក្បែរកែងជើងរបស់លោក ដើម្បីធ្វើជារបាំងកុំឱ្យគេមើលឃើញណាពី ﷺ ក្នុងស្ថានភាពនោះ។ បន្ទាប់មក ណាពី ﷺ លោកបានយកវូហ្ទុ។ នៅពេលដល់កន្លែងលាងជើង លោកគ្រាន់តែជូតពីលើស្បែកជើងឃ្លុបនោះប៉ុណ្ណោះ(ជាស្បែកជើងធ្វើពីស្បែកដែលស្តើងដែលគ្របដល់កជើង)ដោយលោកមិនបានដោះវាចេញឡើយ។