فوائد الحديث

បង្គាប់ប្រើឲ្យប្រាប់អ្នកដែលខ្លួនស្រឡាញ់ក្នុងនាមអល់ឡោះថា ខ្លួនពិតជាស្រឡាញ់រូបគេ។

ស៊ូណិតសូត្រទូអានេះនៅចុងបញ្ចប់នៃសឡាត ទាំងសឡាតដែលជាកាតព្វកិច្ច(សឡាតហ្វើរទូ) និងសឡាតស្ម័គ្រចិត្ត(សឡាតស៊ូណិត)។

ក្នុងប្រយោគនៃទូអាដ៏ខ្លីនេះ គឺមានរួមបញ្ចូលទាំងការសុំពីទ្រង់ទាំងសម្រាប់លោកិយ និងបរលោក។

ក្នុងចំណោមផលនៃការស្រឡាញ់គ្នាក្នុងនាមអល់ឡោះ គឺការផ្តាំផ្ញើគ្នាពីប្រការពិត ផ្ដល់ដំបូន្មានចំពោះគ្នា និងសហការគ្នាលើអំពើល្អនិងការកោតខ្លាចអល់ឡោះ។

អ៊ីម៉ាំ អាត់តៃពី បាននិយាយថា៖ ការរំលឹកទៅកាន់អល់ឡោះគឺជាការបើកនូវសេចក្តីស្ងប់ចិត្ត ការអរគុណដល់ទ្រង់គឺជាមធ្យោបាយដែលនាំមកនូវលាភសក្ការៈ ហើយការគោរពសក្ការៈឱ្យបានល្អត្រឹមត្រូវ គឺនឹងនាំឱ្យអ្នកចៀសឆ្ងាយពីអ្វីដែលធ្វើឱ្យងាកចេញពីអល់ឡោះ។