إعدادات العرض
“ឱពីឡាល! សូមអ្នកប្រាប់ខ្ញុំពីទង្វើមួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា
“ឱពីឡាល! សូមអ្នកប្រាប់ខ្ញុំពីទង្វើមួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា
អំពី អាពូហ៊ូរ៉យរ៉ោះ رضي الله عنه ពិតណាស់ ណាពី ﷺ លោកបានមានប្រសាសន៍ថាទៅកាន់ពីឡាលនៅពេលសឡាតស៊ូពុសថា៖ “ឱពីឡាល! សូមអ្នកប្រាប់ខ្ញុំពីទង្វើមួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា ព្រោះខ្ញុំបានឮសំឡេងស្បែកជើងរបស់អ្នកនៅខាងមុខខ្ញុំក្នុងឋានសួគ៌”។ គាត់បានឆ្លើយថា៖ ខ្ញុំមិនបានសាងទង្វើណាមួយដែលជាទីសង្ឃឹមបំផុតសម្រាប់ខ្ញុំ ក្រៅពីរាល់ពេលដែលខ្ញុំយកវូហ្ទុ មិនថាពេលយប់ ឬពេលថ្ងៃ ខ្ញុំតែងសឡាតនឹងវូហ្ទុនោះនូវអ្វីដែលគេបានកត់ត្រាឲ្យខ្ញុំសឡាតនោះឡើយ។
الترجمة
العربية Português دری Македонски Magyar Tiếng Việt ქართული Kurdî বাংলা ไทย অসমীয়া Nederlands ਪੰਜਾਬੀ Indonesia Kiswahili English Hausa ગુજરાતી Tagalog Русский മലയാളം मराठी Српски සිංහල ಕನ್ನಡ Türkçe हिन्दी తెలుగు اردوالشرح
ណាពី ﷺ លោកបានសុបិនឃើញពីឡាល ពិន រ៉ាហ្ពាស رضي الله عنه នៅក្នុងឋានសួគ៌។ ដូចនេះ លោកក៏បានមានប្រសាសន៍ទៅកាន់ពីឡាលថា៖ សូមអ្នកប្រាប់ខ្ញុំពីទង្វើស្ម័គ្រចិត្ត(អាម៉ាល់ស៊ូណិត)មួយដែលអ្នកបានសាងនៅក្នុងសាសនាអ៊ីស្លាមដែលអ្នកសង្ឃឹមបំផុតចំពោះវា ព្រោះខ្ញុំបានឮសំឡេងសម្រឹបស្បែកជើងរបស់អ្នកនៅខាងមុខខ្ញុំក្នុងឋានសួគ៌។ ពីឡាលបានឆ្លើយថា៖ ខ្ញុំមិនបានសាងទង្វើណាមួយដែលជាទីសង្ឃឹមបំផុតសម្រាប់ខ្ញុំ ក្រៅពីរាល់ពេលដែលខ្ញុំមានហាហ្ទាស(ដាច់វូហ្ទុ)ទោះជាពេលយប់ ឬពេលថ្ងៃក៏ដោយ គឺខ្ញុំតែងយកវូហ្ទុ ហើយខ្ញុំសឡាតស៊ូណិតចំពោះព្រះជាម្ចាស់របស់ខ្ញុំនឹងវូហ្ទុនោះនូវអ្វីដែលគេបានកត់ត្រាឲ្យខ្ញុំសឡាត។فوائد الحديث
បញ្ជាក់ពីឧត្តមភាពនៃទង្វើដែលពីឡាល رضي الله عنه បានចង្អុលបង្ហាញ នោះគឺការសឡាតនៅរាល់ពេលយកវូហ្ទុ ហើយវាជាទង្វើកុសលមួយដែលគេសង្ឃឹមបំផុត និងជាមូលហេតុមួយដែលនាំឲ្យចូលឋានសួគ៌។
ជំរុញឲ្យប្រតិបត្តិសឡាតរាល់ពេលយកវូហ្ទុ។
បុគ្គលគំរូ ឬអ្នកអប់រំអាចសួរនាំពីទង្វើកូនសិស្សរបស់ខ្លួនដើម្បីជំរុញពួកគេឲ្យបន្តធ្វើទង្វើនោះជាប់ជាប្រចាំ ប្រសិនបើនោះជាទង្វើល្អ។ តែបើមិនមែនជាទង្វើល្អទេ គឺត្រូវហាមឃាត់។
ការធ្វើសាក្សីរបស់ណាពី ﷺ ចំពោះពីឡាល رضي الله عنه ដែលថា ពិតណាស់ រូបគាត់គឺស្ថិតក្នុងចំណោមអ្នកឋានសួគ៌។
ការសួរនេះ គឺនៅពេលសឡាតស៊ូពុស។ នេះបង្ហាញថា ទាំងនេះជាអ្វីដែលណាពី ﷺ លោកបានឃើញក្នុងសុបិនរបស់លោក ហើយការយល់សុបិនរបស់ណាពីទាំងឡាយ គឺជាការពិត។