إعدادات العرض
باشترین ڕۆژ كو ڕۆژ لێ ههلاتبیت ڕۆژا ئهینییێیه
باشترین ڕۆژ كو ڕۆژ لێ ههلاتبیت ڕۆژا ئهینییێیه
ئهبو هورهیره (خودێ ژێ ڕازی بیت) دبێژیت: پێغهمبهری (صهلات و سهلامێن خودێ ل سهر بن) گۆت: «باشترین ڕۆژ كو ڕۆژ لێ ههلاتبیت ڕۆژا ئهینییێیه، تێدا ئادهم هاتییه ئافراندن و تێدا كرییه د بهحهشتێدا و تێدا ژ بهحهشتێ هاتییه دهرئێخستن، قیامهت ژی ههر دێ د ڕۆژا ئهینییێدا ڕابیت».
الترجمة
العربية বাংলা Bosanski English Español فارسی Indonesia Русский Tagalog Türkçe اردو 中文 हिन्दी Hausa Kurdî Kiswahili Português සිංහල دری অসমীয়া Tiếng Việt Svenska Yorùbá Кыргызча ગુજરાતી नेपाली Română മലയാളം తెలుగు پښتو Soomaali Kinyarwanda ಕನ್ನಡ Српски Moore ქართული Čeština Magyar Українська Македонски Lietuvių Azərbaycan Wolof አማርኛ Nederlands Malagasy Oromoo ไทย Deutsch मराठी ਪੰਜਾਬੀ ភាសាខ្មែរ Shqip தமிழ் မြန်မာ O‘zbekالشرح
پێغهمبهر (صهلات و سهلامێن خودێ ل سهر بن) بهحس دكهت كو ڕۆژا ئهینی باشترین ڕۆژا حهفتییێیه. ژ تایبهتمهندییێن وێ: خودێ ئادهم (سلاڤ لێ بن) تێدا ئافراندییه و تێدا ئهو برییه د بهحهشتێدا، ههر د وێ ڕۆژێدا ژ بهحهشتێ دهرئێخستییه و هنارتییه سهر ئهردی، ڕۆژا قیامهتێ ژی دێ د ڕۆژا ئهینییێدا بیت.فوائد الحديث
قهدر و بهایێ ڕۆژا ئهینییێ ل سهر ههمی ڕۆژێن حهفتییێ.
هاندان ل سهر زێدهكرنا كریارێن باش د ڕۆژا ئهینییێدا و بهرههڤبوونا بۆ دهستكهڤتنا دلۆڤانییا خودایێ مهزن و لادانا سزایێ وی.
ئهڤ تایبهتمهندییێن ڕۆژا ئهینییێ یێن د فهرموودهیێدا هاتینه بهحسكرن، هاتییه گۆتن كو: ئهو نه بۆ بهحسكرنا قهدر و بها و باشییێن ڕۆژا ئهینییێنه، چونكی دهرئێخستنا ئادهمی و ڕابوونا قیامهتێ ب قهدر و باشی ناهێنه هژمارتن. هاتییه گۆتن ژی: بهلێ، ههر ههمی قهدر و بها و باشینه، دهركهڤتنا ئادهمی ژ بهحهشتێ بوو ئهگهرێ پهیدابوونا پێغهمبهر و مرۆڤێن چاك و ڕابوونا قیامهتێ ژی ئهگهرهكه بۆ لهزكرنێ د خهلاتكرنا مرۆڤێن باشدا و پێدانا وان قهنجی و باشییان یێن خودێ بۆ وان ئاماده كرین.
هندهك تایبهتمهندییێن دی ژی بۆ ڕۆژا ئهینییێ یێن هاتینه بهحسكرن، ژ بلی وان یێن د ڤێ ڤهگوهاستنێدا هاتین، ژ وان ژی: د وێ ڕۆژێدا تهوبهیا ئادهمی هاته قهبویلكرن و تێدا ڕوحا ئادهمی هاته كێشان و وهغهر كر، دهمهك ژی تێدا ههیه ههر باوهردارهكێ دوعایێ د وی دهمیدا بكهت و ئەو یێ د نڤێژێدا؛ خودێ دێ دوعایا وی قهبویل كهت و دێ وی تشتێ وی ژێ خواستی دهتێ.
باشترین ڕۆژا سالێ ڕۆژا عهرهفێیه و هاتییە گۆتن: ڕۆژا جەژنا قوربانێیە و باشترین ڕۆژا حهفتییێ ڕۆژا ئهینییێیه، باشترین شهڤ ژی شهڤا قهدرێیه.