فوائد الحديث

ਇਹ ਹਦੀਸ ਮੁਹੰਮਦ ﷺ ਦੇ ਸੱਚੇ ਨਬੀ ਹੋਣ ਦੀ ਇੱਕ ਨਿਸ਼ਾਨੀ ਹੈ ਕਿ ਹੂਬਹੂ ਉਹੀ ਹੋਇਆ, ਜੋ ਆਪ ﷺ ਨੇ ਦੱਸਿਆ ਸੀ।

ਮੁਸਲਮਾਨਾਂ ਨੂੰ ਕਾਫ਼ਿਰਾਂ (ਅਧਰਮੀਆਂ) ਦੀ ਨਕਲ ਕਰਨ ਤੋਂ ਮਨਾਹ ਕੀਤਾ ਗਿਆ ਹੈ। ਸਮਾਨਤਾ ਭਾਵੇਂ ਅਕੀਦੇ (ਵਿਚਾਰਧਾਰਾ) ਵਿੱਚ ਹੋਵੇ, ਇਬਾਦਤਾਂ ਵਿੱਚ ਹੋਵੇ, ਤਿਉਹਾਰਾਂ ਵਿੱਚ ਹੋਵੇ ਜਾਂ ਉਨ੍ਹਾਂ ਦੇ ਖਾਸ ਪਹਿਰਾਵੇ ਵਿੱਚ ਹੋਵੇ।

ਇਸਲਾਮ ਵਿੱਚ ਸਿੱਖਿਆ ਦੇਣ ਦਾ ਇੱਕ ਤਰੀਕਾ ਮਹਿਸੂਸ ਹੋਣ ਵਾਲੀਆਂ ਉਦਾਹਰਨਾਂ ਰਾਹੀਂ ਨਾ ਮਹਿਸੂਸ ਹੋਣ ਵਾਲੀਆਂ ਗੱਲਾਂ ਸਮਝਾਉਣਾ ਵੀ ਹੈ।

ਜ਼ੱਬ (ਸਾਂਡਾ): ਇੱਕ ਜਾਨਵਰ ਹੈ, ਜਿਸ ਦੀ ਖੁੱਡ ਬਹੁਤ ਜ਼ਿਆਦਾ ਹਨੇਰੀ ਅਤੇ ਬਦਬੂਦਾਰ ਹੁੰਦੀ ਹੈ। ਇਹ ਇੱਕ ਰੀਂਗਣ ਵਾਲਾ ਜੀਵ ਹੈ ਜੋ ਰੇਗਿਸਤਾਨਾਂ ਵਿੱਚ ਬਹੁਤ ਵੱਡੀ ਗਿਣਤੀ ਵਿੱਚ ਪਾਇਆ ਜਾਂਦਾ ਹੈ। ਇੱਥੇ 'ਸਾਂਡੇ' ਦੀ ਖੁੱਡ ਦਾ ਵਿਸ਼ੇਸ਼ ਜ਼ਿਕਰ ਇਸ ਲਈ ਕੀਤਾ ਗਿਆ ਹੈ ਕਿਉਂਕਿ ਇਹ ਬਹੁਤ ਹੀ ਤੰਗ ਅਤੇ ਅਸੁਵਿਧਾਜਨਕ ਹੁੰਦੀ ਹੈ। ਲੇਕਿਨ ਇਸਦੇ ਬਾਵਜੂਦ ਜੇਕਰ ਮੁਸਲਮਾਨਾਂ ਦਾ ਇੱਕ ਸਮੂਹ ਯਹੂਦੀਆਂ ਤੇ ਈਸਾਈਆਂ ਦੇ ਨਕਸ਼ੇ-ਕਦਮਾਂ 'ਤੇ ਚੱਲਦੇ ਹੋਏ ਇਸ ਤੰਗ ਅਤੇ ਅਸੁਵਿਧਾਜਨਕ ਖੁੱਡ ਵਿੱਚ ਦਾਖਲ ਹੁੰਦਾ ਹੈ, ਤਾਂ ਇਸਦਾ ਮਤਲਬ ਇਹ ਹੈ ਕਿ ਉਹ ਉਨ੍ਹਾਂ ਲੋਕਾਂ ਨਾਲ ਪੂਰੀ ਤਰ੍ਹਾਂ ਸਹਿਮਤ ਹੈ ਜਿਨ੍ਹਾਂ ਦੀ ਉਹ ਪੈਰਵੀ (ਪਾਲਣਾ) ਕਰਦਾ ਹੈ! ਅਸੀਂ ਸਿਰਫ਼ ਅੱਲਾਹ ਤੋਂ ਹੀ ਮਦਦ ਮੰਗਦੇ ਹਾਂ।