إعدادات العرض
Allaahuma innii ahuusu bi ridaaka min saxatika, wa bi muhaafaatika min huquubatika, wa ahuusu bi ka minka, laa uhsii sanaa-an halayka, anta kamaa asnayta halaa nafsika
Allaahuma innii ahuusu bi ridaaka min saxatika, wa bi muhaafaatika min huquubatika, wa ahuusu bi ka minka, laa uhsii sanaa-an halayka, anta kamaa asnayta halaa nafsika
Jële nañu ci Aysatu yal na ko Yàlla dollee gërëm mu wax ne: Damaa ñakk Yonnente Yàlla bi yal na ko Yàlla dolli xéewal ak mucc ci genn guddi ci lal bi, ma koy làmbatu far sama loxo tege ci biir ay ndëggoom fekk moo ngi ci jàkka ji fekk dafa samp ñaari tànkam, muy wax naan: "Allaahuma innii ahuusu bi ridaaka min saxatika, wa bi muhaafaatika min huquubatika, wa ahuusu bi ka minka, laa uhsii sanaa-an halayka, anta kamaa asnayta halaa nafsika".
الترجمة
العربية Bosanski English Español فارسی Français Bahasa Indonesia Türkçe اردو 中文 हिन्दी Tagalog ئۇيغۇرچە Kurdî Kiswahili Português සිංහල Русский Nederlands Tiếng Việt অসমীয়া ગુજરાતી پښتو Hausa മലയാളം नेपाली ქართული Magyar తెలుగు Македонски Svenska ಕನ್ನಡ Moore አማርኛ Română Українська ไทย मराठी ਪੰਜਾਬੀ دری বাংলাالشرح
Aysatu yal na ko Yàlla dolli xéewal ak mucc dafa wax ne: dama doon nelaw ci wetu Yonnente bi yal na ko Yàlla dolli xéewal ak mucc, ma ñàkk ko ci guddi gi, may laal sama loxo ci barab bi mu daan jullee ci néeg bi; fekk ma nga sujjóot ñaari ndëggoom sampu, muy wax naan: (ahuusu) maa ngi jotewu (bi ridaaka min saxatika) ci man ak samaw xeet, (wa) maa ngi muslu it (bi muhaafaatika) sa njéggal lu bari (min huquubatika) ci sa mbugal, (wa ahuusu bi ka minka) ak ci say rafeti melo, ba tax dara du musle ci yaw ku dul yaw, amul benn musluwaat du caagine làqukaay ci Yàlla lu dul jëm ci moom, (laa uhsii sanaa-an halayka) manumaa takk limub say xéewal ak say rafetal kem ni nga ko yeyoo ak lu ma man a góor-góor lu ci loolu (anta kamaa asnayta halaa nafsika) yaw daal sant nga sa bopp cant gi yell ci yaw, ana kan moo man a joxe àqi sant la?!فوائد الحديث
Sopp nañu ñaan gii ci sujjóot.
Meyrag nee na: ñëw na ci yenn nettaliy An-Nasaai: daan na wax ñaan gii bu daan noppi ci julli gi ba tëdd ci lalam.
Sopp nañu tagg Yàlla ci meloom yi, ak ñaan ko ci turam yi sax ci Alxuraan ak Sunna.
Nekk na ci it sant Aji-Bind ji ci rukkóo yi ak sujjóot yi.
Di Musloo ci meloy Yàlla yi dagan na, kem ni mu dagane nuy musloo ci jëmmam ji -tudd naa sellam gi-.
Al-Xattaabii nee na: wax ji am na maanaa mu ñeewant, te mooy: moom dafa muslu ci Yàlla mu làq ko ci ngërëmam cig meram, jàmmal ko ba du ko mbugal, te gërëm ak mer ñaari safaan yu jàkkarloo la, niki noonu it jàmm ak mbugal, ba mu tuddee lu amul safaan te mooy Yàlla mu Sell mi te kawe dafa muslu ci jëmmam ci moom wolif leneen, te loolu mooy: jéggalu ci gàtteñlu yi wolif egg ca la war ci àqi jaamu ko, ak tagg ko. Li mu wax: manumaa takk saw tagg: maanaam manuma koo jot.
التصنيفات
Sikkar yi ànd ak julli gi