الشرح

មានបុរសម្នាក់បានមកជួបនឹងណាពី ﷺ ដើម្បីសួរលោកទាក់ទងនឹងច្បាប់អ្នកដែលចេញទៅប្រយុទ្ធ និងតស៊ូ(ជីហាត)ដោយស្វែងរកផលបុណ្យពីអល់ឡោះផង និងចង់បានការកោតសរសើរពីមនុស្សផងដែរ ថាតើគេនឹងទទួលបានផលបុណ្យដែរឬទេ? ពេលនោះ រ៉ស៊ូលុលឡោះ ﷺ លោកបានឆ្លើយថា៖ គេនឹងមិនទទួលបានផលបុណ្យអ្វីឡើយ ដោយសារតែគេបានដាក់បញ្ចូលគោលបំណងផ្សេងក្រៅពីអល់ឡោះក្នុងចេតនា(នៀត)របស់ខ្លួន។ បុរសនោះបានសួរសំណួរនេះដដែលៗចំនួនបីដង ហើយណាពី ﷺ ក៏បានឆ្លើយនិងបញ្ជាក់ដល់បុរសនោះនូវចម្លើយដដែលថា គេនឹងមិនទទួលបានផលបុណ្យអ្វីឡើយ។ បន្ទាប់មក ណាពី ﷺ ក៏បានប្រាប់បុរសនោះអំពីគោលការណ៍នៃការទទួលយកទង្វើកុសលនៅឯអល់ឡោះជាម្ចាស់ថា ជាការពិតណាស់ អល់ឡោះជាម្ចាស់មិនទទួលយកទង្វើកុសលណាមួយឡើយ លុះត្រាតែទង្វើនោះគេធ្វើឡើងសម្រាប់អល់ឡោះតែមួយគត់ដោយគ្មានការចូលរួមពីនរណាម្នាក់ផ្សេងទៀតឡើយ និងត្រូវធ្វើវាដើម្បីទទួលបានការពេញចិត្តពីអល់ឡោះតែប៉ុណ្ណោះ។