فوائد الحديث

نەوەوی دەڵێت: بەرگری كردن لە ئافرەتە مەحرەمەكان؛ واجبە بە بێ ناكۆكی، وسەبارەت بە بەرگری كردن لە نەفس بە كوشتنی بەرامبەر؛ ناكۆكی هەیە لە مەزهەبەكەماندا ومەزهەبەكانی تریش، وبەرگری كردن لە پارە وسامان؛ ڕێگەپێدراوە و واجب نییە.

فەرموودەکە بەڵگەیە لەسەر ئەوەى زانست لە پێش کردەوە ئەنجامدانە، چونکە ئەم هاوەڵە پرسیاری کرد لە پێغەمبەری خودا -صلى اللە علیە وسلم- سەبارەت بەوەى لەسەری واجبە پێش ئەوەى کردەوە بکات.

پێویستە ڕیزبەندی هەبێت لە دوورخستنەوەى دز ودەستدرێژیکەر بە ئامۆژگاری کردن یان داواى یارمەتی پێش ئەوەى شەڕی دژ بکات، وئەگەر شەڕی دژ کرد دەبێت مەبەستی دوورخستنەوە و وازهێنانى بێت نەک کوشتنی.

خوێن وماڵ وسامان وکەسایەتی -شەرەف- وناوبانگی مسوڵمان حەرامە.

نەوەوی دەڵێت: بزانە شەهید سێ جۆرە؛ یەكەم: كوژراو لە جەنگ دژی كافرەكان وكوژراوە بەهۆی هۆكارێك لە هۆكارەكانی كوشتن، ئەمە حوكمی شەهیدەكانی هەیە لە پاداشتی قیامەت ولە حوكمەكانی دونیا، وناشۆردرێت ونوێژی لەسەر ناكرێت. دووەم: شەهید لە پاداشت؛ ئەمە حوكمە دونیاییەكانی بەسەردا جێبەجێ نابێت بۆیە دەشۆردرێت ونوێژی لەسەر دەكرێت وپاداشتی شەهیدەكانی هەیە لە قیامەتدا ومەرج نییە پاداشتی وەكو پاداشتی شەهیدی یەكەم بێت، ئەمانیش بریتین لە: ئەوەی بە نەخۆشی سك دەمرێت، وئەوەی بە تاعون دەمرێت، وئەوەی شتێك دەڕمێت بە سەریدا ودەمرێت، وئەوەی بەهۆی بەرگری لە پارە وسامانەكەی دەكوژرێت، وجگە لەمانە كە لە فەرموودە سەحیحەكاندا ناویان بە شەهید باسكراوە. سێیەم: ئەوەی بە فێڵ ونهێنیەوە شتێك دەبات لە دەستكەوتنی جەنگ وهاوشێوەكانی پێش دابەشكردنیان؛ ئەوانەی فەرموودەكانیان گێڕاوەتەوە نكۆڵیان كردووە لەوەی پێی بووترێت شەهید ئەگەرچیش كوژرا بێت لە جەنگی دژی كافرەكان، بەڵام هەر حوكمی شەهیدی هەیە لە دونیادا بۆیە ناشۆردرێت ونوێژی لەسەر ناكرێت، وپاداشتی كامڵی بۆ نییە لە قیامەتدا.