فوائد الحديث

ਨਜ਼ਰ ਨੀਵੀਂ ਰੱਖਣ ਦੀ ਤਰਗੀਬ (ਪ੍ਰੇਰਨਾ)।

ਜਿਸ ਚੀਜ਼ ਨੂੰ ਦੇਖਣਾ ਹਰਾਮ ਹੋਵੇ, ਜੇਕਰ ਉਸ 'ਤੇ ਅਚਾਨਕ ਬਿਨਾ ਕਿਸੇ ਇਰਾਦੇ ਦੇ ਨਜ਼ਰ ਪੈ ਜਾਵੇ, ਤਾਂ ਉਸ ਨੂੰ ਦੇਖਦੇ ਰਹਿਣਾ ਹਰਾਮ ਹੈ।

ਇਸ ਹਦੀਸ ਤੋਂ ਪਤਾ ਚੱਲਦਾ ਹੈ ਕਿ ਸਹਾਬੀ ਜਾਣਦੇ ਸਨ ਕਿ ਅਜਨਬੀ ਔਰਤ ਨੂੰ ਦੇਖਣਾ ਹਰਾਮ ਹੈ। ਇਸ ਦਾ ਸਬੂਤ ਇਹ ਹੈ ਕਿ ਜਰੀਰ (ਰਜ਼ੀਅੱਲਾਹੁ ਅਨਹੁ) ਨੇ ਬਿਨਾ ਇਰਾਦੇ ਔਰਤ ਵੱਲ ਵੇਖਣ ਬਾਰੇ ਪੁੱਛਿਆ ਅਤੇ ਜਾਣਨ ਦੀ ਕੋਸ਼ਿਸ਼ ਕੀਤੀ ਕਿ ਕੀ ਇਸ 'ਤੇ ਵੀ ਉਹੀ ਹੁਕਮ ਲਾਗੂ ਹੁੰਦਾ ਹੈ, ਜੋ ਜਾਣ-ਬੁੱਝ ਕੇ ਵੇਖਣ ਵਾਲੇ 'ਤੇ ਹੁੰਦਾ ਹੈ?

ਇਸ ਹਦੀਸ ਤੋਂ ਪਤਾ ਚੱਲਦਾ ਹੈ ਕਿ ਸ਼ਰੀਅਤ ਬੰਦਿਆਂ ਦੇ ਹਿੱਤਾਂ ਦਾ ਖ਼ਿਆਲ ਰੱਖਦੀ ਹੈ। ਕਿਉਂ ਜੋ ਔਰਤਾਂ ਨੂੰ ਵੇਖਣ ਦੇ ਨਤੀਜੇ ਵਿੱਚ ਦੁਨੀਆ ਤੇ ਆਖਰਤ ਨਾਲ ਸਬੰਧਤ ਕਈ ਬੁਰਾਈਆਂ ਸਾਹਮਣੇ ਆਉਂਦੀਆਂ ਹਨ, ਇਸ ਲਈ ਸ਼ਰੀਅਤ ਨੇ ਇਸਨੂੰ ਹਰਾਮ ਕਰ ਦਿੱਤਾ ਹੈ।

ਸਹਾਬਾ (ਰਜ਼ੀਅੱਲਾਹੁ ਅਨਹੁਮ) ਅੱਲਾਹ ਦੇ ਨਬੀ ﷺ ਕੋਲ ਆਉਂਦੇ ਅਤੇ ਜੋ ਗੱਲਾਂ ਪਤਾ ਨਾ ਹੁੰਦੀਆਂ, ਆਪ ﷺ ਤੋਂ ਪੁੱਛ ਲੈਂਦੇ। ਇਸ ਲਈ ਆਮ ਲੋਕਾਂ ਨੂੰ ਵੀ ਆਲਿਮਾਂ (ਵਿਦਵਾਨਾਂ) ਕੋਲ ਜਾਣਾ ਚਾਹੀਦਾ ਹੈ ਅਤੇ ਜੋ ਗੱਲਾਂ ਸਮਝ ਨਾ ਆਉਣ, ਉਨ੍ਹਾਂ ਬਾਰੇ ਪੁੱਛ ਲੈਣਾ ਚਾਹੀਦਾ ਹੈ।