فوائد الحديث

బాధలు, కష్టాలు ఎదురైనప్పుడు ఓర్పుగా ఉండటం మరియు నొప్పులు గురించి ఎక్కువగా ఫిర్యాదు చేయకుండా ఉండటం ఎంతో గొప్ప గుణం. ఇలా చేస్తే, మనం మరింత పెద్ద ప్రమాదాలకు లోనవకుండా ఉంటాము.

పూర్వప్రజల ప్రామాణిక గాథలు మనకు మంచితనాన్ని, గుణపాఠాలను అందిస్తాయి.

ఇబ్ను హజర్ (రహిమహుల్లాహ్) ఇలా అన్నారు: ఇది అల్లాహ్ హక్కులను గౌరవించడాన్ని, అలాగే ఆయన తన సృష్టిపై చూపిన కరుణను నొక్కి వక్కాణిస్తున్నది. అల్లాహ్ మన ప్రాణాలు మనకు స్వంతం కావని, అవి ఆయనకు చెందినవని తెలుపుతున్నాడు. అందువలన మనం స్వయంగా మన ప్రాణాలను తీసుకోవడాన్ని అంటే ఆత్మహత్యను ఆయన నిషేధించాడు. కాబట్టి, మనం తప్పకుండా అల్లాహ్ ఆదేశాలను పాటించాలి మరియు ఆయన మనపై చూపే కరుణాకటాక్షాలను గుర్తుంచుకోవాలి.

ఆత్మహత్యకు అంటే తన ప్రాణాన్ని స్వయంగా తానే తీసుకోవడానికి దారి తీసే పనులు కఠినంగా నిషిధించబడినాయి, దీనిపై గంభీరమైన హెచ్చరిక కూడా ఉంది.

ఇబ్ను హజర్ (రహిమహుల్లాహ్) ఇలా పలికినారు: దీనిని అతడు చికిత్స కోసం కాకుండా, (బాధకు ఓర్చుకోలేక) చనిపోవాలనే ఉద్దేశంతోనే తనను తాను కోసుకున్నాడని సూచిస్తుంది.

అంటే, అతడు తనకు మేలు కలిగించే చికిత్స ఉద్దేశంతో కాకుండా, ప్రాణాలు తీసుకోవాలనే ఉద్దేశంతోనే ఆ పని చేశాడు.