إعدادات العرض
amul benn bis bu jaam ñi di xëy lu dul ne ñaari malaaka danañu wàcc, kenn ki naan: yaw Yàlla joxal aji-joxe ji leneen, keneen ki naan: yaw Yàlla joxal aji-téye ji ag yàqule
amul benn bis bu jaam ñi di xëy lu dul ne ñaari malaaka danañu wàcc, kenn ki naan: yaw Yàlla joxal aji-joxe ji leneen, keneen ki naan: yaw Yàlla joxal aji-téye ji ag yàqule
Jële nañu ci Abuu Hurayrata yal na ko Yàlla dollee gërëm mu jële ci Yonnente bi yal na ko Yàlla dolli xéewal ak mucc mu wax ne: «amul benn bis bu jaam ñi di xëy lu dul ne ñaari malaaka danañu wàcc, kenn ki naan: yaw Yàlla joxal aji-joxe ji leneen, keneen ki naan: yaw Yàlla joxal aji-téye ji ag yàqule».
الترجمة
العربية বাংলা Bosanski English Español فارسی Français Bahasa Indonesia Русский Tagalog Türkçe اردو 中文 हिन्दी Tiếng Việt ئۇيغۇرچە Hausa Kurdî Kiswahili Português සිංහල Nederlands ગુજરાતી অসমীয়া پښتو नेपाली മലയാളം Yorùbá ქართული Magyar తెలుగు Македонски Svenska ಕನ್ನಡ Moore Română Українська ไทย मराठी ਪੰਜਾਬੀ دری አማርኛالشرح
Yonnente bi yal na ko Yàlla dolli xéewal ak mucc day xibaare ne bépp bis bu jant bi fenk ñaari malaaka danañu wàcc di woote, kenn ki naan: Yaw Yàlla joxal kiy jox cig topp Yàlla njabootam ak di ganale ak di saraxe wuutal wecceel ko yiw ca la mu joxe, te baarkeelal ko ko. Keneen ki naan: yaw Yàlla joxal kiy téye wolif loolu ag yàqule te sànk alalam ji mu tere ña ko yeyoo.فوائد الحديث
Dagan na ñu ñaanal aji-tabe ji muy yokk, ak ñu wuutalal ko yiw ca la mu joxe, dagan na it ñu ñaan Yàlla aji-nay ji ag yàqu ci alalam ji muy nay bañ ci a joxe la ca Yàlla waral.
Malaaka yi dañuy ñaanal way-gëm yu sell yiy joxe ag yiw ak baarke, te seen ug ñaan lu ñuy nangu la.
Ñaaxe ci joxe yu war ya ak coobarewu ya; niki jox njaboot gi, ak jokk mbokk, ak bunti yiw yi.
Leeral ngëneelu aji-joxe ci lu baax, ak ne ag mujjam mooy ne Yàlla da koy wuutalal, Yàlla mu kawe mi nee na: {lépp lu ngeen joxe moom moo koy wuutal, te mooy gën gi wërsëgale} [Saba: 39].
Ñaan Yàlla gii nag kiy baña joxe si farata lañuy ñaan mu dal ko, waaye bu dee joxe yi ñu sopp nag du ci dugg; ndax boroomam yeyoowul ñukoy ñaan Yàlla.
Araamalees na nay.
التصنيفات
Saraxub coobarewu