إعدادات العرض
هر څوک چې د دغو لوڼو پالنه وکړي او نېک چلند ورسره وکړي، د اور له عذاب څخه به یې د ساتنې سبب وګرځي
هر څوک چې د دغو لوڼو پالنه وکړي او نېک چلند ورسره وکړي، د اور له عذاب څخه به یې د ساتنې سبب وګرځي
د مؤمنانو له مور او د نبي صلی الله علیه وسلم له مېرمنې؛ عائشې رضي الله عنها څخه روایت دی چې هغې نبي صلی الله علیه وسلم ته ویلي وایي چې: يوه ښځه د خپلو دوو لوڼو سره راغله او له مایې د مرستې غوښتنه کول، نو زما سره يوازې له یوې خرما پرته نور هېڅ نه و ، هغې ته مې ورکړه، نو هغې د خپلو لوڼو ترمنځ ووېشله او بیا پاڅېده او لاړه، نو پېغمبر ﷺ راغی، ما ورته دا پېښه بیان کړه، هغه وفرمايل: « هر څوک چې د دغو لوڼو پالنه وکړي او نېک چلند ورسره وکړي، د اور له عذاب څخه به یې د ساتنې سبب وګرځي».
الترجمة
العربية বাংলা Bosanski English Español فارسی Français Indonesia Русский Tagalog Türkçe اردو 中文 हिन्दी Tiếng Việt Hausa Kurdî Magyar ქართული Kiswahili සිංහල Română অসমীয়া ไทย Português मराठी ភាសាខ្មែរ دری አማርኛ ગુજરાતી Македонски Nederlands ਪੰਜਾਬੀ മലയാളം ಕನ್ನಡ తెలుగుالشرح
"د مؤمنانو مور عائشې رضي الله عنها وویل چې يوه ښځه د خپلو دوو لوڼو سره راغله او خواړه يې غوښتل، عائشې رضي الله عنها يوازې يوه خرما درلوده، هغې ته يې ورکړه، ښځې هغه خرما د خپلو لوڼو ترمنځ ووېشله او خپله یې ترې هېڅ ونه خوړل، وروسته ولاړه، نو کله چې پېغمبر ﷺ راغی، عائشې ورته دا پېښه بیان کړه، هغه وفرمایل: چاته چې د دې لوڼو پالنه ور تر غاړې شوه او نېک چلند یې ورسره وکړ، ښه روزنه یې ورکړه، خواړه او څښاک یې ورکړل، په جامه یې پټې وساتلې او صبر یې پرې وکړ، نو د نوموړې لپاره به یې د اور پر وړاندې پرده وګرځي.فوائد الحديث
د لوڼو پالنه او هغوی ته پاملرنه کول د غوره نېکو چارو له جملې څخه دي چې د اور له عذاب څخه ساتونکي دي.
صدقه ورکول مستحب دي چې انسان یې د خپل وس مطابق ورکړي، حتی که لږه هم وي .
د والدینو پر خپلو اولادونو قوي مینه او مهرباني.
د پېغمبر ﷺ د کورونو د حالاتو بیان او دا چې رزق یې بسنه کوونکی و.
پر ځان بل ته غوراوی ورکول (د ایثار) فضیلت او دا چې دا کار د مومنانو له نښانو څخه دی؛ لکه عائشې رضي الله عنها چې هغه ښځه او د هغې لور ته پر ځان غوراوی ورکړ، او دا چې دا کار د هغې پر سخاوت او عزتمندۍ دلالت کوي، سره له دې چې خپله یې ورته اړتیا درلوده.
د لوڼو درلودل آزموينه ګڼل کېږي، ځکه چې د هغوی په پالنه کې سختي او ستړتیا ده، یا دا چې ځینې خلک یې نه خوښوي، او عموماً دوي ته د ژوند لازمي وسایل برابرول ستونزمن وي.
اسلام د جاهلیت ناپسندو عادتونو له منځه وړلو لپاره راغلی، چې له جملې څخه یې یوه دا دی چې د لوڼو په اړه یې سپارښتنه کړې.
په دې سره ثواب تر لاسه کېږی اګر که یوه لور هم وي، لکه څنګه چې په ځینو روایتونو کې راغلي.