الشرح

អ៊ិពនូអ៊ូមើរ رضي الله عنهما បានប្រាប់ថា ក្រោយពេលដែលណាពី ﷺ លោកបានគប់ ម៉ាអ៊ិស ពិន ម៉ាលិក អាល់អាសឡាមី رضي الله عنه ជាការអនុវត្តច្បាប់ជនដែលប្រព្រឹត្តហ្ស៊ីណារួចមក ណាពី ﷺ លោកបានក្រោកឡើងថ្លែងសុន្ទរកថាទៅកាន់មនុស្សលោក ហើយលោកបានមានប្រសាសន៍ថា៖ ចូរពួកអ្នកចៀសវាងពីទង្វើដ៏គួរឲ្យស្អប់ខ្ពើមនេះ និងអំពើផ្សេងទៀត ដែលត្រូវបានចាត់ទុកថាជាអំពើអាក្រក់ និងកខ្វក់ ដោយអល់ឡោះជាម្ចាស់ទ្រង់បានហាមឃាត់អំពីវា។ ជនណាហើយដែលបានប្រព្រឹត្តទង្វើទាំងនេះ ចាំបាច់លើរូបគេត្រូវធ្វើនូវរឿងពីរ៖ ទីមួយ៖ ត្រូវបិទបាំងទង្វើនោះ ខណៈដែលអល់ឡោះបិទបាំងវា ហើយមិនត្រូវប្រាប់អ្នកដទៃនូវអំពើល្មើសដែលខ្លួនបានប្រព្រឹត្តនោះឡើយ។ ទីពីរ៖ ត្រូវរួសរាន់សារភាពកំហុស(តាវហ្ពាត់)ទៅចំពោះអល់ឡោះជាម្ចាស់ ហើយមិនត្រូវបន្តប្រព្រឹត្តអំពើនោះទៀតឡើយ។ ហើយជនណាដែលលាតត្រដាងអំពើអាក្រក់របស់ខ្លួនមកកាន់យើង យើងនឹងអនុវត្តទោសជននោះទៅតាមច្បាប់ដូចដែលមានចែងក្នុងគម្ពីររបស់អល់ឡោះជាម្ចាស់ចំពោះបទល្មើសនោះ។