1- ((هه‌ر كه‌سێ ده‌مێ گوهـ ل بانگهلدێری دبیت بێژیت: (أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيكَ لَهُ، وَأَنَّ مُحَمَّدًا عَبْدُهُ وَرَسُولُهُ، رَضِيتُ بِاللهِ رَبًّا وَبِمُحَمَّدٍ رَسُولًا، وَبِالْإِسْلَامِ دِينًا، غُفِرَ لَهُ ذَنْبُهُ)، ئانكو: (ئه‌ز شاهده‌ییێ دده‌م كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن و كو موحه‌ممه‌د عه‌بدێ خودێ و پێغه‌مبه‌رێ وییه‌، ئه‌ز ڕازی بووم خودێ خودایێ من بیت و موحه‌ممه‌د پێغه‌مبه‌رێ من بیت و ئیسلام ئایینێ من بیت)؛ گونه‌هێن وی دێ هێنه‌ ژێبرن))

2- ((زه‌لامه‌كی ده‌ستنڤێژ گرت و هندی نینۆكه‌كێ ژ پێیێ خۆ هێلا (ئاڤ نه‌گه‌هشتبوویێ)، پێغه‌مبه‌ری ژی (صه‌لات و سه‌لامێن خودێ ل سه‌ر بن) دیت و گۆتێ: ((بزڤڕه‌ڤه‌ و ده‌ستنڤێژا خۆ ب جوانی بگره‌))، ئه‌و ژی زڤڕی و پاشی نڤێژا خۆ كر))

3- مه‌ ئه‌و ئاڤا شێلی و زه‌ر یا پشتی پاقژبوونا ژ زڤڕۆكا هه‌یڤانه‌ دهێت ب چ هژمار نه‌دكر

4- ((ب ته‌مه‌ت ده‌مێ زڤڕۆكا خۆ یا هه‌یڤانه بمینه و خۆ بگره‌‌، پاشی سه‌رێ خۆ بشۆ))

5- ((سه‌رشویشتنا ڕۆژا ئه‌ینییێ واجبه‌ ل سه‌ر هه‌ر كه‌سه‌كێ بالغ و كو ئه‌و سیواكی بكار بینیت و كو بێهنه‌كا خۆش ل خۆ بكەت ئه‌گه‌ر ب ده‌ست بكه‌ڤیت))

6- ((بلا چ ژن بێی هه‌ڤژینێ خۆ یان مه‌حره‌مه‌كێ خۆ قویناغا دوو ڕۆژان گه‌شتێ نه‌كه‌ت

7- هه‌ر كه‌سێ پشتی هەر نڤێژەکێ سیھ و سێ جاران بێژیت (سبحان الله) و سیھ و سێ جاران بێژیت (الحمد لله) و سیھ و سێ جاران بێژیت (الله أكبر)، ئه‌ڤه‌ دێ بنه‌ نۆت و نه‌هـ، و بۆ ته‌مامكرنا سه‌دێ بێژیت: (لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ)؛ هنگی گونه‌هێن وی دێ هێنه‌ ژێبرن ئه‌گه‌ر هندی كه‌فا سه‌ر ده‌ریایێ ژی بن

8- هه‌ر كەسێ پشتی هەر نڤێژەکا فەڕز ئایەتول کورسییێ بخوینیت، چ تشت نابنه‌ ڕێگر ل بەر چوونا وی بۆ به‌حەشتێ ب تنێ مرن نەبیت

9- ئەگەر ئێك ژ هەوە د نڤێژا خۆدا ب گومان بكه‌ڤیت و نەزانی کا وی سێ ڕكاعەت کرینە یان چار، بلا وێ گومانێ بهاڤێژیت و بلا نڤێژا خۆ ل سەر وێ ته‌مام بکەت یا کو ئەو ژێ پشتڕاست، پاشى بلا دوو سوجدەیان ببەت بەری سلاڤا ملان ڤه‌دەت

10- ((هه‌ر تشته‌كێ مرۆڤ پێ سه‌رخۆش بیت؛ عه‌ره‌قه‌ و هه‌ر تشته‌كێ سه‌رخۆشكه‌ر بیت یێ حه‌رامه‌، و هه‌ر كه‌سێ بمریت و د دونیایێدا ئه‌وی عه‌ره‌ق ڤه‌دخوار و بووبوو مودمنێ عه‌ره‌قێ (به‌رده‌وام ڤه‌دخوار)و ژێ ته‌وبه‌ نه‌كر؛ ئه‌و ل ئاخره‌تێ ڤه‌ناخۆت ))

11- ((كریار شه‌ش (جۆرن)، خه‌لك ژی چار (جۆرن)، (كریار ب ڤی ڕه‌نگینه‌) دوو د فه‌ركه‌رن و كریار یا هه‌ی ئێك ب ئێكێیه‌ و خێر یا هه‌ی ب ده‌ھ خێرێن وه‌كی خۆیه‌، خێر یا هه‌ی ب حه‌فسه‌د خێرێن وه‌كی خۆیه‌

12- ((ب ڕاستی خودێ حه‌ز دكه‌ت ڕوخسه‌ت و ده‌ستویرییێن وی بهێنه‌ وه‌رگرتن و ئه‌نجامدان، هه‌روه‌كی چاوا حه‌ز دكه‌ن واجب و فه‌ركرییێن وی بهێنه‌ جێبه‌جێكرن))

13- ((ئه‌گه‌ر خودێ د قه‌ده‌رێدا بۆ عه‌بده‌كێ خۆ نڤیسی كو ل ئه‌رده‌كی بمریت؛ دێ وه‌ لێ كه‌ت وى كاره‌ك ل وی ئه‌ردی هه‌بیت))

14- و ئه‌ز ضه‌مامێ كوڕێ سه‌عله‌بەیمه‌ براگه‌وره‌يێ هۆزا سه‌عدێ كوڕێ به‌كری

15- ((پێغه‌مبه‌ری (صه‌لات و سه‌لامێن خودێ ل سه‌ر بن) بۆ هه‌ر نڤێژه‌كێ ده‌ستنڤێژه‌ك دگرت

16- ((پێغه‌مبه‌ری (صه‌لات و سه‌لامێن خودێ ل سه‌ر بن) ده‌ستنڤێژ گرت و هه‌ر ئه‌ندامه‌ك جاره‌كێ شویشت))

17- ((پێغه‌مبه‌ری (صه‌لات و سه‌لامێن خودێ ل سه‌ر بن) ده‌ستنڤێژ گرت و هه‌ر ئه‌ندامه‌ك دوو جاران شویشت))

18- ((ئه‌گه‌ر ئێك ژ هه‌وه‌ هه‌ست ب تشته‌كی د زكێ خۆدا كر، و ل سه‌ر وی گران بوو كا ئه‌رێ تشته‌ك ژێ ده‌ركه‌ڤت یان نه‌؛ هنگی بلا ژ مزگه‌فتێ ده‌رنه‌كه‌ڤیت هه‌تا گوھ ل ده‌نگه‌كی نه‌بیت یان بێهنه‌ك نه‌هێتێ))

19- ((پێدڤییه‌ ل سه‌ر هه‌ر موسلمانه‌كی كو د هه‌ر حه‌فت ڕۆژاندا ڕۆژه‌كێ خۆ بشۆت، و د وێ ڕۆژێدا سه‌رێ خۆ و له‌شێ خۆ هه‌مییێ بشۆت))

20- ((ئه‌ز هاتمه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) دا كو ببمه‌ موسلمان، ڤێجا فه‌رمان ل من كر كو ئه‌ز سه‌رێ خۆ ب ئاڤ و سیدرێ بشۆم))

21- ((ئه‌گه‌ر هه‌وه‌ گوهـ ل بانگهلدێری بوو؛ هنگی هوین ژی هه‌مان گۆتنێن وی بێژن، پاشی صه‌له‌واتان بده‌نه‌ سه‌ر من

22- هه‌ر كه‌سێ مزگه‌فته‌كێ بۆ خودێ ئاڤا بكه‌ت، خودێ دێ (ماله‌كا) وه‌كی وێ بۆ وی ل به‌حه‌شتێ ئاڤا كه‌ت))

23- ((نڤێژه‌ك د ڤێ مزگه‌فتا منڤه‌؛ چێتر و بخێرتره‌‌ ژ هزار نڤێژان د جهێن دیڤه‌، ژ بلی مزگه‌فتا حه‌رام (ل مه‌كه‌هێ) ))

24- ((ئه‌گه‌ر ئێك ژ هه‌وه‌ چوو د ناڤ مزگه‌فتێڤه‌؛ بلا به‌ری بڕوینیته‌ خوارێ دوو ڕكاعه‌تان بكه‌ت))

25- ((ئه‌گه‌ر ئێك ژ هه‌وه‌ چوو د ناڤ مزگه‌فتێڤه‌ بلا بێژیت: خودایێ من؛ تو ده‌رگه‌هێن دلۆڤانییا خۆ ل به‌ر من ڤه‌كه‌، و ئه‌گه‌ر ده‌ركه‌ڤت بلا بێژیت: خودایێ من؛ ئه‌ز داخوازا قه‌نجییا ته‌ دكه‌م))

26- ((بیلال؛ قامه‌تێ بۆ كرنا نڤێژێ بگره‌، مه‌ ب وێ ڕحه‌ت بكه‌))

27- گه‌لی خه‌لكی؛ من ئه‌ڤ چه‌نده‌ كر، ب تنێ بۆ هندێ دا‌ هوین دویڤچوونا من بكه‌ن و فێری نڤێژا من ببن))

28- ((ئه‌گه‌ر هوین چوونه‌ د نڤێژێدا؛ ڕێزێن خۆ ڕاست بكه‌ن، پاشی بلا ئێك ژ هه‌وه‌ ببيته‌ پێشنڤێژێ هه‌وه‌، ڤێجا ئه‌گه‌ر پێشنڤێژی (تكبيرة الإحرام) كر (ئانكو گۆت: الله أكبر)؛ هوین ژی وێ بێژن

29- ئه‌ز ب وی كه‌مه‌ یێ نه‌فسا من د ده‌ستیدا، ئه‌ز ژ هه‌مییان نێزیكترم ب نڤێژا پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، ئه‌ڤه‌ نڤێژا وی بوو هه‌تا ژ دونیایێ وه‌غه‌ر كری))

30- ((خرابترین مرۆڤ د دزیێدا ئه‌وه‌ یێ دزیێ ژ نڤێژا خۆ دكه‌ت))، گۆتن: ئه‌ی پێغه‌مبه‌رێ خودێ دێ چاوا دزیێ ژ نڤێژا خۆ كه‌ت؟ گۆت: ((ب هندێ كو ڕكوع و سوجده‌یێن وێ ب ته‌مامی نه‌به‌‌ت))

31- ((پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ده‌مێ پشتا خۆ ژ ڕكوعێ ڕاست دكر دگۆت: (سَمِعَ اللهُ لِمَنْ حَمِدَهُ

32- پێغه‌مبه‌ری (صه‌لات و سه‌لامێن خودێ ل سه‌ر بن) پشتی هه‌ر نڤێژه‌كا فه‌ڕز دگۆت

33- ((پێغه‌مبه‌ری (صه‌لات و سه‌لامێن خودێ ل سه‌ر بن) د ناڤبه‌را هه‌ردوو سوجده‌یاندا دگۆت: خودایێ من؛ ل من ببووره‌، خودایێ من؛ ل من ببووره‌))

34- ئه‌و شه‌یتانه‌كه‌ ناڤێ وی خینزه‌به‌، ئه‌گه‌ر ته‌ هه‌ست پێ كر؛ ئێكسه‌ر خۆ ب خودێ بپارێزه‌ ژ وی و سێ جاران تفكه‌‌ لایێ خۆ یێ چه‌پێ

35- ئه‌گه‌ر ڕه‌مه‌زان هات؛ عومرێ بكه‌، چونكی عومره‌ك د ڕه‌مه‌زانێدا به‌رامبه‌ری حه‌جه‌كێیه‌

36- ئه‌ی پێغه‌مبه‌رێ خودێ؛ ئه‌م وه‌سا دبینین كو جیهاد باشترین كریاره‌، ئه‌رێ ئه‌م جیهادێ نه‌كه‌ین؟ گۆت: «نه‌خێر، به‌لكی باشترین جیهاد بۆ هه‌وه‌: حه‌جه‌كه‌ ب دروستی هاتبیته‌ ئه‌نجامدان

37- ئه‌ز د گه‌ل پێغه‌مبه‌ری بووم (صه‌لات و سه‌لامێن خودێ ل سه‌ر بن) و ئه‌و چوو سه‌ر گلێشێ هنده‌ك كه‌سان و ده‌ستنڤێژا خۆ یا زراڤ ژ پیاڤه كر‌‌،

38- ((مسوگه‌ر خودێ و پێغه‌مبه‌رێ وی كڕین و فرۆتنا عه‌ره‌قێ و تشتێ مرار و به‌ڕازی و بت و صه‌نه‌مان حه‌رام كر

39- ((پشكێن میراتی یێن دیار و ئاشكه‌را بده‌نه‌ خودانێن وان، ئه‌وا دمینیت ژی بۆ نێزیكترین زه‌لامییه‌ ژ مرۆڤێن مری))

40- ((هه‌ر كه‌سێ چه‌كی ل دژی مه‌ ڕاكه‌ت، ئه‌و نه‌ ژ مه‌یه‌))

41- ((ئه‌رێ ما خودێ بۆ هه‌وه‌ ژی تشته‌ك نه‌دانایه‌ كو هوین خێران پێ بكه‌ن؟ ب هه‌ر ته‌سبیحه‌كێ (گۆتنا: سبحان الله) خێره‌ك هه‌یه‌، ب هه‌ر ته‌كبیره‌كێ (گۆتنا: الله أكبر) خێره‌ك هه‌یه‌، ب هه‌ر ته‌حمیده‌كێ (گۆتنا: الحمدلله) خێره‌ك هه‌یه‌، ب هه‌ر ته‌هلیله‌كێ (گۆتنا: لا إله إلا الله) خێره‌ك هه‌یه‌، فه‌رمانا ب باشییێ خێره‌ و پاشڤه‌برنا ژ خرابییێ خێره‌، و د چوونا نڤینێدا بۆ ئێك ژ هه‌وه‌ خێر هه‌یه‌))