1- i k'a dɔn duniya ye ɲɛ binkɛnɛ de ye min ka timi, wa Ala de y'aw bila a kɔnɔ, a b'aw lajɛ aw bɛna baara kɛ cogomin, aw ye siran duniya ɲɛ aw ye siran musow ɲɛ

2- Aw tɛna don alijana kɔnɔ f'aw ka limaniya, wa aw tɛna limaniya f'aw ka ɲɔgɔn kànu, yali n tɛ fɛn dɔ kofɔ aw ye wa n'aw y'o kɛ aw bɛ ɲɔgɔn kànu? Aw ye fòli càri aw ni ɲɔgɔn cɛ

3- baara jumɛn de kadi Ala ye kɔsɛbɛ? A ko:<< seli a waati la>>, a ko: o kɔfɛ jumɛn? A ko: << o kɔfɛ bangebaa kanlabatoli >> a ko: o kɔfɛ jumɛn? A ko: << kɛlɛ Ala ka sira kan

4- Ko cɛ dɔ ye dumuni kɛ n'a numantɛgɛ ye kira ɲɛna kisi b'a ye, kira ko: << a kɛ n'i kinin ye >> a ko: ne tɛ sɛ o la, kira ko, << i ka na se

5- tere filɛ ye filaninkafɔya ye, tere filɛ ye filaninkafɔya ye, tere filɛ ye filaninkafɔya ye, - siyɛn sàbà ->>, mɔgɔ t'an na a tɛ na min ma, n ka se ni bonya Ala b'a la taga ni jìgìsɛmɛ ye a le la

6- Ɲumanya o ye jogo ɲumanya de ye, Kota o ye fɛn min b’i dusukun degun, i t’a fɛ mɔgɔ ka bɔ a kalama

7- Yaa aw mɔgɔw aw k'a dͻn Ala ye màsà sanuman de ye w'a tɛ foyi labi fo fɛn sanuman, wa aw k'a dͻn Ala ye limaniyajɔnw yaamaruya ni fɛn ye a ye cidenw yaamaruya ni min ye

8- i k'a dɔn mɔgɔw ye min sɔrɔ ɲɔgɔn na Nabiɲuman kunfɔlɔw ka kumakanw la o dɔ ye : n'i tɛ maloya fɛn kɛ min y'i diya

9- kɛ duniya kɔnɔ i n'a fɔ dunan wali tɛmɛ baa

10- i nɛn kɛnɛmaya ni Alakosuma ye

11- aw dɔlakelen tɛ limaniya f'a ka fɛn kanu a balima ye a ye min kanu a yɛrɛkun ye

12- yaa adamaden, n'i bɛ ne weele ka n yaafa deli n bɛ yaafa i ma a tɛ fɛn kɛ n na

13- yaa Ala ka ciden, ne ma jùrùmu foyi to fitini ni kunbaba la ko n' ma o kɛ, kira ko: << yali i tɛ seereya ko tìgi foyi tɛ yen fo Ala Mamadu y'a ka ciden ye wa?

14- sitanɛ bɛ na aw dɔlakelen ma a b'a fɔ: jɔn ye danni kɛ tan? jɔn ye danni kɛ tan? F'a b'a fɔ: jɔn ye e tìgi dan? N'a seera o yɔrɔ ma a ka tangaɲini Ala fɛ k'a hakilimajɔ

15- Baara ye suguya wɔɔrɔ de ye, mɔgɔw ye suguya naani ye, waajibiyalan fila b'a la, ani ɲɔgɔnna sàra ni ɲɔgɔnna ye, ani ɲumanya sàra n'a ɲɔgɔnna tan ye, ani ɲuman sàra ni kɛmɛ wolonwula ye

16- dɔnni kɔrɔtali bɛ duniyawilili taamasiyɛn na, ani kodɔnbaliya cayali, jɛnɛya bɛ caaya, dɔlɔmin bɛ caya,cɛw bɛ dɔgɔya, musow bɛ caya f'a bɛ na kɛ cɛ kelen bɛ mùso biduuru màgo dilan

17- duniya tɛ wili fo cɛ ka tɛmɛ cɛ kaburu la k'a fɔ: hali ne tun ka kɛ yan

18- nà bɛ kɛ ni sàya ye kiyama sàgajigijɛman sawura la fiman bɛ min na

19- aw ka tasuma ye jahanama tasuma fànbiwolonfila fàn dɔ de ye

20- ni mɔgɔ min ye nkalon da ne la tuguboloma o k'a sigiyɔrɔ labɛn tasuma kɔnɔ

21- Kɔ dɔ fɔra kira ye kisi b'a ye, a ko: << ni kɔ n bɛ kɛ dɔnni taali tuma de la

22- Aw ka na dɔnni ɲini walasa ka waaso dɔnnibagaw la n'a ye, wali ka sɔsɔli kɛ ni kodɔnbaliw ye

23- Ala ye ntalen gosi sira tilenen dɔ la

24- yali a kadi aw dɔlakelen ye wa n'a seginna ka taa a ka denbaya la a ka ɲɔgɔmɛmuso kɔnɔmafalen tuluman kulɔlen sàba sɔrɔ a ɲɛ wa?

25- a bɛ fɔ kurana dùnge ye: kalan kɛ i ka kɔrɔta, i k'a kalan ka ɲɛ i n'a fo i tun b'a kɛ duniya kɔnɔ cogomin, i ka so dan ye hayalaban ye i bɛ min kalan

26- kurana manga bangebaa o bɛ i ko saraka bangebaa, kura mangan dogobaa o bɛ i ko saraka dogo baa

27- u tun kɛra u bɛ haya tan hakɛ kalan kira bolo kisi b'a ye, u tun tɛ tan wɛrɛ fàra a kan fo dɔnni ni baara min b'a kɔnɔ u k'o dɔn

28- yaa muniziri fá, yali i b'a dɔn haya jumɛn de ka bon Ala ka gafe kɔnɔ wa>> a ko: ne ko:{ Ala bàtoma wɛrɛ tɛ yen ale kɔ ɲɛnama don a jɔlen bɛ n'a yɛrɛ ye} [Mìsì muso kofɔ suran 255]. A ko: a ye ne gosi n disi la, k'a fɔ: << Ala k'i nisɔndiya ni dɔnni ye, muniziri fá

29- K'a fɔ su wo su ni kira tun bɛ taa a da kisi b'a ye a tun b'a tɛgɛkan fila fàraɲɔgɔkan, o kɔfɛ a bɛ tutuli kɛ u la ka Ala ka kumakan kalan : { a fɔ tìgi foyi tɛ yen fo Ala}, ani { a fɔ n bɛ tànga ɲini fajirikɛnɛ cibaa màsa fɛ }, ani { N bɛ tanga ni mɔgɔw danbaa fɛ }

30- n'i ye mɔgɔw ye u bɛ tugu haya minnu bɔlen bɛ ɲɔgɔn fɛ o de kɔ, Ala y'olu de kofɔ, aw y'aw kɔlɔsi u la

31- mɔgɔ tɛ jùrùmuko kɛ, o kɔfɛ ka seliji tà, o kɔfɛ ka seli, o kɔfɛ ka Ala yaafamadeli, fo Ala ka yaafa o ma

32- a fɔ tìgi foyi tɛ yen fo Ala, n b'a seereya kiyamadon i ye

33- { o kɔfɛ aw bɛ na ɲininka nɛɛmaw la o don na}

34- n'aw ye Mìsiriweelela mankan mɛ aw ye segin a ka fɔta kan, o kɔfɛ a ka seli ne kan

35- n'aw dɔlakelen bɛ don Mìsìri kɔnɔ a k'a fɔ: yaa ne ma i ka hinɛ bondaw dayɛlɛ n ye, n'a bɛ bɔ a k'a fɔ: yaa ne má n b'i deli n'i ka fusamanciya ye

36- sitanɛ de do a bɛ fɔ a ma ko kinizabu, n'i sɔmina a la tànga ɲini Ala fɛ ka bo a ma, i ka daji tu i numan fɛ siyen sàbà

37- fɛn naani bɛ yen mɔgɔ min mana k'o cɛla o ye nafigi piripiri ye, n'a dɔ taamasiyɛn yera min na naafigiya taamasiyɛn bɛ o la f'a k'a bila: n'a kumana a bɛ nkalon tigɛ, n'a ye lahidu ta a bɛ janfa kɛ, n'a ye lahidu tà a b'a bɔrɔtɔ, n'a ye kɛlɛ daminɛ a be dantɛmɛ kɛ

38- silamɛ ka silamɛya ɲɛ dɔ ye min ye : a ka kaari fɛn kɔ min t'a ɲɛ sirala

39- ban duniya la Ala bɛ k'i fɛ, kaari mɔgɔw bolofɛn kɔ u b'i kanu

40- hadamaden ma minɛnjugu fa ka tɛmɛ a kɔnɔbara kan, lɔgɔmɛ damadɔ wasara hadamaden ye a kɔ bɛ tilen ni min ye, n'a ma ɲɛ a kɔnɔ fali kɔ, a k'a kɔnɔ tilan sàba ye, tilan fɔlɔ ka kɛ dumuni ye, tilan filanan ka kɛ ji ye, sabanan ka kɛ ninakili ye

41- aw y'aw yɛrɛ kɔlɔsi ni kolangolon ninu na Ala ye bàlili kɛ o minnu ma, ni mɔgɔ min y'a dɔlakelen waleya o k'a yɛrɛ sutura ka tuubi ka taa Ala ma, ni mɔgɔ min y'a ta bange an ye an bɛ Ala ka gafe sariya bòli o kan

42- yali Ala ma fɛn sarakatita di aw ma wa? I k'a dɔn Ala sanumayadali bɛɛ ye saraka ye, ani Alakelenya ni ala bonyamada, yamaruya ni ɲuman ye o fana ye saraka ye, ani fatani ka bɔ juguman ma, aw dɔlakelen ka sé a furuɲɔgɔn ma o fana ye saraka ye

43- Aw ka na ɲɔgɔn hasidiya, aw ka na gɛlɛya kɛ ɲɔgɔn kan feere la, aw kana dimin ɲɔgɔn kɔrɔ, aw ka na aw kɔdon ɲɔgɔn na, aw dɔlakelen ka na sànni kɛ dɔ ka sànnifɛn kan, aw ye kɛ bàlimamaw ye Ala ka jɔnw

44- ni mɔgɔ min ye duniya gɛlɛya dɔ wili ka bɔ limaniyajɔn dɔ kan Ala bɛ lahara gɛlɛya dɔ wili ka bɔ o kan