1- Ad tʋʋmã tũudɑ ne Anniya-rãmbã, lɑ ɑd ned fãɑ sẽn tʋme n be ne-ɑ

2- Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ

3- wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga

4- Yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka

5- Yãmb ned fãa ka kõt sɩda halɩ t'a yamleoogã wa yɩ n tũ bũmb ning mam sẽn wa ne wã

6- Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame

7- Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye

8- m pa na n kõ-y kibar ne zũnuub bεdã sẽn yɩɩd bedrem?

9- Zũnuub bεda: yaa lagem-n-taar ne Wẽnde la roagdb a yiibã namsgo la yõor kʋʋbo la wẽen bõrdga

10- Zoe-y n zãag-y yel-halkds a yopoe wã

11- Mɑm sekɑ M mengɑ n yi lɑgm-n-tɑɑrɑ rãmb lɑgm-n-tɑɑrã, ned ning sẽn tʋmɑ tʋʋmde n lɑgm bũmb zẽng ne mɑɑm ɑ tʋʋmdã pʋgẽ, m bɑsd-ɑ lɑme ne ɑ lɑgm-n-tɑɑrã

12- , Wẽnd kẽed-a-la arzãna a sẽn tʋg n tʋm tɩ yaa a soab fãa gilli

13- ned ning sẽn sεga Wẽnde, n ka maan lagem-n-taar ne-A, a kẽeda arzãna, la ned ning sẽn seg-A,t'a yaa sẽn maan lagem-n-taar ne-A, a kẽeda Bugmã

14- ned ning sẽn kõ a maam bas-m-yam ne bũmb ning sẽn be a ye-peed a yiibã sʋka la a nao a yiibã sʋka, m kõt-a-la bas-m-yam ne arzẽnã

15- Arzãnɑ pẽe ne yãmb ned fãɑ n yɩɩd ɑ neoodrã yʋlgɑ, lɑ Bugmã me yɑɑ wɑlɑ rẽ

16- B gũbgɑ Bugmã ne yõor yɑmleedo, lɑ b gũbg arzãnã ne yõor sẽn kisã

17- Lɩslaamb a yiib sã n yek taab ne b sʋʋsã, nin-kʋʋdã la kiidã fãa bee Bugmẽ

18- Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ

19- Ad Wẽnd ka get y naandã la y arzεkã ye, la ad A geta yãmb sũyã la y tʋʋmã

20- Ad tʋʋmã yaa ne Anniy-rãmbã, la ninsaal fãa yaa a sẽn maan Anniy ningã n be ne-a

21- Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare

22- B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo

23- Mam ka bas m poorẽ wã fɩtna (zarb-n-gesg) sẽn namsd raopã n leb yɩɩd pagbã ye

24- Yãmb yembr fãa ka kõt sɩda, halɩ tɩ mam wa tʋg n yɩ a noanga n yɩɩd a roagdã, la a koambã, la nebã fãa gilli

25- yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã

26- wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga

27- wakat ning Wẽn d sẽn wa n naan arzãnã la Bugmã, A tʋmsa a Gibriila, tɩlgr be a yĩnga

28- Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka

29- Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã

30- Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?

31- Ad zĩnd-n-ta-sõng la zĩnd-n-ta-wẽng bilgri, a yaa wala yũ-noog soaba la bug-zugda,

32- Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) n wʋsgd n yetẽ: «Yaa muƙallib al-ƙuluub ṯabbit ƙalbiy ʿalaa diinik= Foom a sũyã Toεεmda tablg mam sũurã Fo dĩinã zugu

33- Ned sã n kos Wẽnd n dɑt n ki Wẽnd sorã zug ne sɩda, Wẽnd taasd-a-la Šʋhadaa'-rãmb dargε zĩigẽ, baa t'a sã n maan kaalem a pĩirã zugu

34- Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye

35- Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye

36- B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã, t'a gilgd ne-a wala boang sẽn gilgd neerã

37- Yãwã yaa kugr b sẽn lob Bugmã pʋga hal yʋʋm tus-pis-yopoe, masa la a lʋɩt Bugmã pʋgẽ, n tãag a tεkẽ wã

38- Longr ka be, liu-n-bogr ka be, kolonkoog kelem beed ka be ye, ki toog ka be, la f zoe n zãag wõod soaba, wala f sẽn zot n zãagd bõnyẽega

39- Mam yeelame, Wẽnd Tẽn-tʋʋma, d maanda a wãn n põse? T'a yeelae: « Yõk f zelemdã, pa f zakẽ wã la f kũm f zũnuubã

40- Mam poorẽ rãmbã fãa yaa sẽn yɑɑf-b rãmbɑ, sã n ka vẽnegdbã

41- Yãmb ned fãa ra wa maan kaalem rẽndame tɩ yẽnda yaa sẽn manegd a tẽeb ne Wẽnde

42- Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teoogã

43- Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole

44- Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye

45- Ad Wẽne, (A Naam yɩ wagell n zẽke) A tẽegda A nugã yʋngo, sẽn na yɩl tɩ wĩndg wẽngd tuubi, la A tẽegd A nugã wĩndgã sẽn na yɩl tɩ yʋng wẽngd tuubi, halɩ tɩ wĩndgã wa tʋg n puk a sẽn lʋɩtẽ wã

46- Yɩ dũni wã tɩ yaa wala fo yaa sãana maa so-toak soaba

47- Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye

48- Muumin sẽn tar pãnga, yẽnda sõmblem, n leb n nong Wẽnd n yɩɩd muumin sẽn yaa valenga, la b fãa yaa sõma,

49- Boaand n boond n yetẽ: arzãn koambã ad yãmb na n talla laafɩ, n ka na n tol n bẽ lae ye, y na n vɩɩmdame n ka tol n ki lae, ad yãmb na n yɩɩ rasãmba, n ka na n kʋʋl lae, y na n yɩɩ neemã rãmba, sũ-sãang kõn n paam-y lae

50- Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã?

51- Arzãn koambã sã n kẽ arzãna, Wẽnd yetame (A Naam zẽk yã): yãmb rata bũmb tɩ M paas-y bɩɩ?

52- Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ

53- Yãmb a pagb zama, maan-y doose, tɩ ad b wilga maam yãmba, tɩ yãmb sõor n yɩɩd Bugum koambẽ wã». La b yeel yã: la yaa bõe yĩnga Wẽnd Tẽn-tʋʋmã? La a yeele: «yãmb wʋsgda kãabgo la y maan sõm-zɩɩlem ne sɩdr vɩɩm-n-taare, mam ka yã neb yam la b dĩin sẽn booge, n tõe n menemes rao yam sẽn yaa sẽb sʋk soaba n leb n yɩɩd yãmb a pagb ye

54- Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome

55- B na n waa ne kũum t’a wõnd pesg sẽn tẽgse

56- Yãmb dũni bugmã yaa Gεhannam Bugmã sẽn pʋɩ zĩis pîs-yopoe bεk a yembre

57- Ra karem-y bãngrã n rat n na n pug ne-a bãngdb ye, maa y wẽ no-koeemd ne yalms ye

58- Wẽnd rɩka bilgri ne sor sẽn tẽeg tɩrga

59- rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba

60- Ned ka be sẽn na n tʋm zũnuuba, rẽ poorẽ n yik n yɩlge, rẽ poorẽ n pʋʋse, rẽ poorẽ t'a kos Wẽnd yaafa, rẽndame tɩ Wẽnd yaaf-a

61- {Rẽ poorẽ b na sok yãmba, raaren-kãngã, neema wã yelle.}

62- Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame

63- Nin-kẽem sũur ka bak n yaa rasãnga yεl a yiib pʋgẽ: dũni nonglem la saagr woglg pʋgẽ

64- Wʋsg-y wʋm-noodã wurdã yell tẽegre» Rat n yeel tɩ yaa kũumã

65- B na n wa balla fɩtnã-rãmbã nebã sũy, wala b sẽn balled pĩir n foogd-a moog-moogã

66- Rẽ yẽnga yãmb paamda sõngr la rɩlgre, tɩ sã n ka y nin-valemsã sabab la

67- Yaa sɩda ad dũni yaa b sẽn kãab a soaba, n kãab sẽn be dũni pʋgẽ, sã n ka Wẽnd yʋʋr tẽegre, la sẽn wõnd rẽ, la bãngdã maa bãng boaadã

68- Yĩgs dũni wã tɩ Wẽnd na yɩ f nonglem, la f yĩgs bũmb ning sẽn be nebã nengẽ wã, tɩ nebã na yɩ f nonglem

69- Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga

70- B balla arzãnã la Bugmã n wilg maam, tɩ mam ka yã bũmb sõmblem sẽn yɩɩd mam sẽn yã rũndã wã ye, la mam ka yã wẽng me n yɩɩd mam sẽn yã rũndã wã ye, la yãmb sã n rag n yã bũmb ning mam sẽn yã wã, la y bãng bũmb ning mam sẽn bãngã, y laadã rag n na yɩ bilfu, tɩ kũnkumã wʋsge

71- Ra wa bao-y pʋ-bεda n wa tall yamleoog ne dũni wã ye

72- Tɩɩg n be arzãnã pʋgẽ, zombda sẽn yaa wed-zoεtg soaba, sẽn tʋʋle, kẽnd a pʋgẽ yʋʋm koabga, n ka tõog n pasg-a ye

73- Ad bee arzãnã pʋgẽ, raaga, tɩ b wat raagã arzũm fãa

74- M soka Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ges lingdg yelle, t'a sagl maam tɩ m wẽneg m nifrã

75- Zãag-y yel-kãensã Wẽnd sẽn gɩdgã, rẽnd ned ning sẽn wa n tʋg n kẽ yellã pʋgẽ, bɩ a bao sʋtr Wẽnd nengẽ, la a tuub n tʋg Wẽnd nengẽ, tɩ ad ned ning sẽn wa n vẽneg a tʋʋmã seb-nengɑ, tõnd na n maana Wẽnd sẽn saglã a zugu (A Naam yɩ wagell n zẽke)

76- Lɩslaam pa be Masɩɩm sẽn n na n paam-a t'a yeele: {ɩnnaa lɩllaahɩ wa ɩnnaa ɩlayhɩ raagi-ʋʋn= tõnd yɑɑ Wẽnd soolem d lebr zĩig me yɑɑ A nengẽ} [Al-baƙara (Naafã sʋʋra): 156]. M Soab a Wẽnde kõ-m keoore m masɩɩbã pʋgẽ la F leds-ma sõmã sẽn yɩɩda, rẽndame tɩ Wẽnd keo-a a masɩɩbẽ wã, la a lεds-a sõmblem sẽn yɩɩd-a

77- Maam ne dũni yaa bõe, ad maam dũni wã pʋgẽ ka yɩ rẽnda wala kẽnkẽnd sẽn zĩnd tɩɩg maasemẽ, n le wa loog n bas-a

78- Ad sẽn reng-b yãmb taoore, raoa n da zĩnd n tall sãmpogre, t'a ka tõog n maan sugr ye, la a rɩk sʋʋg n pãrg a nugã, la zɩɩmã ka yalse halɩ t'a wa tʋg n ki, Wẽnd yeelame, (A Naam zẽk yã) Mam yambã yãgame n na n wa Mam nengẽ a toore, tɩ Mam maan arzãnã t'a yaa haraam ne-a

79- Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a

80- Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi

81- Ges-y neb nins sẽn be yãmb tẽngrã, la y ra ges neb nins sẽn be yãmb yĩngrã ye, rẽnda n pẽ n yɩɩd tɩ yãmb ra wa paoog Wẽnd neemã wã sẽn be yãmb zugã

82- Neema a yiib n be, tɩ nebã wʋsg bõnd b pʋgẽ: yaa laafɩ la sẽka

83- Sɩd la hakɩɩka ned ning põs yã, sẽn saka n tũ lɩslaango, la Wẽnd lok-a rɩtl sẽn zemse, la A leb n kõ-a sek-m-meng ne A sẽn kõ-a bũmb ningã

84- Ned ning sẽn vẽega beoogo n tar laafɩ a yĩnsẽ, la bas-m-yam a mengẽ, n tar a raarã rɩɩbo, yaa wala b koola dũni wã fãa n kõ yẽnda

85- Ad fo sẽn saag bũmb ningã fãa f paamame, la a bilg-n-taare n paase

86- Ad sɩd-kõt tara arzãnã pʋgẽ zãnd sẽn yaa sãnem sẽn yaa gõko, sẽn tar pʋga, a woglemã yaa Miil pis-yoobe (kilo kobg la zaka), sɩd-kõt tara zak rãmb beenẽ, tɩ b gilgd a nengẽ, tɩ b ka ne taab ye

87- Wẽnd yeelame (A Naam zẽk yã) Mam seglame M yemb-sõmsã yĩnga, nifr sẽn na n ka yã, tɩ tʋbr ka wʋme la ka lʋɩ ninsaal tagsg pʋgẽ

88- Ad yaoogo, a yaa rẽenem sigb zĩig sẽn yaa laahr zagsã, tɩ ned sã n põs a pʋgẽ, sẽn watã yol-yol n yɩɩde, la a sã n ka põs a pʋgẽ, sẽn watã keelem n yɩɩde

89- Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã

90- Ned ning sẽn wa n tʋg n bas a meng n yi tãng zug n lʋɩ, n kʋ a mengã, a bee Gεhannam Bugmã pʋgẽ, n lʋɩt a pʋgẽ, n yaa duumda n yaa paad a pʋgẽ lae-lae

91- Balm-y maam tɩ y kõn n lagem Wẽnd ne Bũmb ye, la y kõn n zu, y kõn n yo

92- Lɩslaangã sɩnga ne sãando, a na n leb n baasame, tɩ yaa wala a sẽn sɩngã, ne sãando, rẽnd arzãn tɩɩg be ne sãambã

93- M bugsda yãmb tɩ y bas zũnuub yaalsã

94- Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã